No Pleno que se vai celebrar esta semana en Burela, dende o BNG imos presentar tres mocións sobre tres temas importantes e dos que o PP de Buela non di nada. Son: os orzamentos da Xunta con respecto a Burela, o servizo de Teleasistencia domiciliaria e, en terceiro lugar, todo o relacionado co salvamento marítimo e os seguros da xente do mar.
En primeiro lugar, o proxecto de orzamentos da Xunta de Galiza para Burela neste ano 2013 é un fiel reflexo das políticas de parálise total do goberno popular do sr. Feijoo. E o PP de Burela nada di. Dúas actuacións básicas e fundamentais para nós aparecen cun orzamento ridículo: o acceso ao porto (que nos orzamentos de 2012 prevía para o ano 2013 un investimento de 1,5 millóns de euros e que agora só está dotado con 240.000 €; é dicir, non é intención do goberno galego do PP acometer dunha vez e por todas esta obra de tan vital importancia para a nosa vila) e actuacións diversas no Hospital da Costa (dotadas con algo máis de 300.000 € en equipos e só 50.000 € en reformas). E para nada se fala nestes orzamentos da Xunta doutras actuacións que tamén son importantes para Burela: o dragado e limpeza do encoro de Rúa, unha nova EDAR, a necesidade de vivendas protexidas ou un novo polígono industrial. E isto é o que nós pedimos na nosa moción: aposta decidida polo acceso ao porto e o Hospital da Costa, o dragado e limpeza do encoro de Rúa, o inicio dos trámites para un novo polígono industrial, a construción de vivendas protexidas no solar cedido polo Concello á Xunta e construción dunha nova EDAR para Burela.
En segundo lugar, o servizo de Teleasistencia Domiciliaria, que en Burela atende a 19 persoas maiores para asegurarlles un contacto permanente co seu entorno familiar e unha intervención inmediata de especialistas en caso de emerxencia, viu alterado o seu financiamento por parte do Ministerio de Sanidade, Servizos Sociais e Igualdade que retirou toda a súa aportación a este servizo. Ata agora o Ministerio aportaba o 65% do seu financiamento e as deputacións provinciais o 35% restante. Pero agora, o goberno do Estado non vai aportar nada de nada. A Deputación Provincial de Lugo, asumindo a necesidade de mantemento deste servizo, remitiu unha proposta de acordo aos concellos da provincia para o financiamento do servizo no que incrementa a dotación orzamentaria destinada polo ente provincial do 35% ao 50% e propón aos concellos que asuman o 50% restante; esta iniciativa logrou a permanencia do servizo e que todos os concellos da comarca mariñá, incluído Burela, asinaran esta proposta. Pero non podemos permitir que o Estado faga deixadez das súas obrigas e, por iso, solicitamos na nosa moción que o Ministerio rectifique a súa posición ou que, no caso de persistir na súa negativa, sexa a Xunta de Galiza a que habilite unha partida para este fin. Porque non se pode cargar todos os custos sociais nos concellos que, cada vez máis, ven reducidos os seus ingresos e incrementados os seus gastos porque o Estado e a Xunta pasan das súas obrigas.
E, por último, presentamos unha moción que vai referencia a un tema tan vital como é o salvamento marítimo, algo do que en Burela, por desgraza, sabemos moito. Nós pedimos que a Xunta de Galiza anule o decreto que aprobou para cobrar pola actuacións de salvamento marítimo que realicen helicópteros, embarcacións, vehículos e persoal do Servizo de Gardacostas de Galiza. O salvamento de vidas humanas no mar pasa, así, a se converter nun mero negocio porque se establecen tarifas de cobro para os buques pesqueiros que precisen de asistencia, aínda en risco de afundimento. Pedimos tamén que se rescate a venda dos helicópteros de salvamento marítimo “Pesca I” e “Pesca II”, devolvéndoos á súa titularidade pública galega, e garantindo o cumprimento dos tempos de resposta establecidos (máximo de dez minutos) as 24 horas dos 365 días do ano, a través do sistema de gardas presenciais na base, coas tripulacións precisas para o cumprimento deste cometido legal. E pedimos, igualmente, que se recuperen o “Seguro Colectivo de Accidentes no Mar” e o “Seguro do mal tempo” e se garanta o envío dun buque de apoio loxístico e asistencia sanitaria á frota pesqueira que se desprazará á vindeira campaña do bonito do 2013.
En resumo, cremos que investir en Burela no acceso ao porto, no Hospital, nunha nova EDAR, en vivendas protexidas, nun novo polígono industrial ou na calidade da nosa auga é o menos que debe de reclamar o Concello de Burela á Xunta de Galiza para este ano 2013.
Cremos que atender as 24h. do día, os 365 días do ano, os nosos maiores coa Teleasistencia Domiciliaria é algo ao que non podemos renunciar e, polo tanto, o goberno do Estado non pode lavarse as mans e pasarlles o gasto aos concellos.
E cremos tamén que coa vida das persoas que traballan no mar non se pode xogar nin escatimar recursos, privatizando o salvamento, cobrando polos labores de salvamento ou sacándolles os seguros vitais para a súa pervivencia socio-económica.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
