BURELA (FNC) .- O vindeiro domingo 3 de maio celebrarase en Burela a décimo quinta edición do día do xubilado. A concelleira de Benestar Social, Neves Cando, asegura que “queremos ofrecer aos nosos maiores unha xornada de reunión, de encontro, de ledicia e de compartir entre todos e todas lembranzas que nos unen e o futuro que nos agarda”. Un total de 669 persoas se anotaron durante os quince días que durou o prazo de inscrición para participar nesta cita.
A xornada comezará ás 12:30 horas cunha recepción na Casa da Cultura á que lle seguirá un acto musical no Auditorio de Burela, no que participarán as cantareiras A Arracada da Sociedade Cultural Ledicia, a banda de gaitas Dambara e a Coral Polifónica de Burela. Cando sinala que “quixemos ofrecer aos nosos xubilados e xubiladas unhas actuacións nosas de Burela, para gozar coa música que se fai aquí. Son tres estilos distintos e variados que nos van posibilitar apreciar a boa música que se fai na nosa vila”.
Despois desas actuacións “subiremos ao pavillón dos institutos para a partires das 14:00 horas xantar todos alí. Haberá autobuses á saída da Casa da Cultura para que quen queira subir neles o faga e despois da comida teremos o sorteo de dúas viaxes para dúas persoas ao destino da península ou das illas que elixan, e como non, baile e música para todos”, segue a relatar a edil nacionalista.
Neves Cando agarda que “todas as persoas que se anotaron para participar neste 15 día do xubilado gocen dunha xornada especial cos seus amigos e amigas porque así o preparamos e así o desexamos desde o Concello de Burela”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
