O Carnaval é unha celebración festeira que foi desenvolvida polo pobo. Tradición moi antiga, deuse na época de Babilonia e data de hai 4000 anos. A festa consiste na exaltación das carnes, críticas aos gobernantes, personalidades eclesiásticas, etc. na subversión e no relaxo da moral cristiá, consentindo prácticas que na vida cotiá non serían ben vistas. Don Carnal, o gozo da carne, o tempo de diversión, a satisfacción do prohibido, represéntase como un boneco ao que se queima cando remata a festa (enterro da sardiña), co pranto e os choros das capiteiras. Ao entroido (introito latino) séguelle a coresma, que remata o tempo de troula e exceso, para entrar nun período de abstinencia e seriedade. O entroido non sempre agradou a políticos e eclesiásticos. Na Idade Media renace o carnaval impulsado polo pobo campesiño que tivo que soportar algunhas intromisións da nobreza que non o aceptaba de todo. Xa na ditadura do Xeneral Franco foi prohibido, rexurdindo pouco a pouco como expresión da necesidade de alegría, música e liberdade.
Polo que a Foz atinxe o entroido celébrase dende tempo inmemorial, ainda que o ritual non ten connotacións etnográficas ou antropolóxicas; ou sexa, non se corresponde con tradición cultural algunha. A forma de expresión popular, espontánea, ven dada por un estado colectivo de alegría, en cuxa explosión ten que ver o bo xantar (nestas datas o porco é o rei) e as libacións xenerosas, así como o optimismo. o enxeño e a ledicia de vivir que son propias das xentes da beiramar. Certamente houbo tempos de prohibicións para a alegría do carnaval, pero o cronista lembra que, aínda con tal atranco, mesmo en plena ditadura, nunca deixou de celebrarse por mais que ás veces, para obviar as ordes dos que mandaban, había que afinar o maxín e espremer os miolos recurrindo á imaxinación, o que agudizaba o enxeño e ás veces enriquecía os episodios carnavaleiros coa parafernalia grotesca e disparatada, á que as circunstancias obrigaban.
Suso Fernández
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
