A Consellería de Educación vén de remitirlles aos centros unha carta na que anuncia que o Ministerio anula o convenio para os programas Escolas Viaxeiras, Rutas literarias e Rutas Científicas, cos que os alumnos podían optar a coñecer outras comunidades durante uns días a través de intercambios, e dos que se beneficiaron nos últimos anos decenas de centros da provincia e de Galicia
O PSdeG-PSOE de Lugo critica a nova eliminación por parte do PP de programas que permiten darlle un valor engadido á educación sobre todo nas zonas rurais. A Consellería de Educación vén de remitirlles aos centros unha carta na que anuncia que o Ministerio anula o convenio de colaboración con Galicia para o desenvolvemento dos programas de cooperación territorial Escolas Viaxeiras, Rutas Literarias e Rutas Científicas, dos que no último ano foron beneficiados centros de Castroverde, Folgoso do Courel, Foz, Monforte, Sarria, Viveiro ou Guntín. Con estes programas, os alumnos podían presentarse e optar a coñecer cidades doutras comunidades autónomas a través de rutas de varios días relacionadas coa cultura, a ciencia ou a literatura.
“Unha vez máis vemos as prioridades do PP, que recorta en pequenas partidas que significan moito para potenciar unha educación diferenciada e con valor engadido, no que supón un novo desprezo ao rural e ás oportunidades dos alumnos destas zonas para o acceso a este tipo de iniciativas”, explica o secretario de Educación do PSdeG en Lugo, Carlos Ferreiro. Na misiva, a Consellería de Educación di que esta eliminación se produce “por razóns orzamentarias”, sen dar máis explicacións, e como consecuencia elimina as convocatorias que xa foran publicadas no Boletín Oficial do Estado (BOE) o 21 de novembro, polo que xa era un proceso avanzado cos prazos abertos e á espera da comunicación final aos centros, co prexuízo que isto supón. “Ademais do desafortunado desta decisión, censuramos a nefasta xestión do PP, que fai e desfai cando quere e elimina uns programas que xa estaban convocados de xeito oficial no BOE, o que amosa unha falta de respecto inaceptable do Goberno aos mestres e alumnos”, engade Ferreiro. O socialista insta ao PP a que explique esta “falta de previsión” para eliminar unhas partidas que xa tiñan que estar previstas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
