En 1991 a A. C. Pomba do Arco tivo a feliz idea de crear un acto lúdico que canalizara e se nutrira do que é tradicional nas celebracións carnavaleiras: os relatos que nestas datas, mais permisivas, de xeito espontáneo, poñen na picota opinións críticas con feitos que protagonizan os poderes políticos locais que a cotío actúan de costas aos cidadáns, aos seus intereses e mesmo aos seus sentimentos. O anonimato favorece o labor.Hai mais de 20 anos a aparición de O Touporroutou anunciábase así: “Eu son O Touporroutou /que ven polo Carnaval ,/ co que podedes decir as cousas/ que poden parecer mal/ . Críticas ou chirigotas/ ou coplas ben rimadas / facédeas con moto xeito / pois van ser cantadas./ O martes cunha banda / e música de zanfoña/ faceremos unha farra / falando sen vergoña/ . Bota viño a freoutadas/ na praza de Mondoñedo; / veñan roscas e orellas/ comer e beber arreo./¡Que viva O Touporroutou, / ven cantar onda mín./ ¡Ha de ser de carallo / se me deixa Hussein!.”
O evento ten para nós, con todo o respecto para os discrepantes, valores dignos a ter en conta: así consideramos o feito artístico-cultural dos magníficos carteis, faceta na que A Pomba é mestra, que estimula a mente e a imaxinación para descifrar a simboloxía das figuras que os ilustran; a posta en escena (vestimentas, música, declamación, cantigas…) baixo inspiración e realización do recoñecido showman Tono Neira e o elenco que o acompaña, tecendo unha hora de espectáculo que ten como soporte as vivencias de cada día, as preocupacións da veciñanza e os desexos dunha xestión pública mais participativa e mais eficaz nos campos sociais, culturais e de convivencia algúns dos cales os sinalan, dende o humor ou o enxeño, os artífices de O Touporroutou. Cabe preguntarse se os destinatarios das mensaxes serán receptivos, se terán a tolerancia e a intelixencia precisas para sacar partido e aproveitar as leccións que dende o acto lúdico se espallan. Escoitar e reflexionar é sempre bó, sexa quen queira o que nos fala… Todos; mesmo os que somos mais torpes, podemos ter unha idea lúcida.. ¡ E sería mágoa perdela! ¡Andamos tan escasos…!
Suso Fernández
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
