Na xornada de onte o portavoz do PP de Ribadeo acusou nos medios de prensa ao BNG de “orquestrar” unha protesta cívica contra os desafiuzamentos diante da sede do Partido Popular ribadense e de convocar este acto de protesta mediante unha pegada na que participaron “representantes do goberno municipal”. Despois da incredulidade inicial coa que recibimos as manifestacións de López Penabad puidemos comprender a orixe de tales afirmacións.
O responsable local do BNG de Ribadeo, Xavier Campos, explica que “é certo que hai un par de días dúas concelleiras do BNG, xunto cun grupo de militantes, realizaron unha pegada de carteis na nosa vila. Ocorre que, curiosamente, esa pegada de carteis era para convidar aos e ás ribadenses á xornadas sobre a praia das Catedrais e a Rede Natura que tivo lugar onte na nosa vila, organizada polo BNG baixo o título “A Rede Natura en Galiza: Como preservar o seu futuro?” e na que estivo presente a señora Pía Bucella, Directora xeral de Natureza, Biodiversidade e Uso da Terra da Unión Europea”.
“E certamente ese mesmo día outro grupo de persoas estiveron a pegar por Ribadeo outros carteis da Plataforma de Afectados pola Hipotecas, nos que se daba conta do número de sinaturas que se recolleran no Estado en prol dunha Iniciativa Lexislativa Popular sobre a dación en pago, que foi debatida no Congreso grazas á presión social (xa que nun comezo, o PP anunciara que non ía ser admitida a debate). Nese mesmo cartel da Plataforma de Afectados polas Hipotecas convocábase unha cazolada na sede do Partido Popular ribadense”, explica Campos.
“Xa que logo, dános a impresión de que o señor López Penabad, queremos supoñer que mal informado por algún seareiro entusiasta, pecou novamente de imprudencia e botou a lingua a pacer. Non se poden facer afirmacións como as que fixo onte sen ter certeza de que son certas, porque despois pasa o que pasa: que se cae no ridículo, como lle pasou a Penabad. No BNG pedímoslle pois que admita a súa confusión e se desculpe publicamente polas súas declaracións, a non ser que queira seguir difamando a membros do Goberno Municipal a sabendas de que minte”, argumenta.
“Evidentemente nós, como BNG, nada temos que dicir sobre esa acción realizada por persoas vinculadas á Plataforma de Afectados polas Hipotecas. Son eles e elas as que poden responder directamente ao PP de Ribadeo. Mais en calquera caso aproveitamos a ocasión para manifestar a nosa comprensión e respecto a esas accións críticas coas políticas socialmente inxustas e crueis que o PP está a levar a cabo. Entendemos que esas accións obedecen á lexítima e necesaria resposta que se está a dar desde a cidadanía diante das políticas antisociais aplicadas polo goberno estatal, e galego, do PP. Son esas políticas, e non os cidadáns que as padecen, quen están a provocar un clima de crispación social do que o PP é responsábel”,engade.
“Nós no BNG o tema dos desafiuzamentos no BNG témolo moi clariño. Moitos dos bancos intervidos contan cun inxente número de pisos da época do boom urbanístico, cos que hoxe se debería crear unha Bolsa de Vivenda Pública de carácter social e con prezos accesíbeis e xustos. Igualmente debe procederse á admisión da dación en pago como xeito de acabar coa débeda hipotecaria das familias. É tal a importancia que o BNG lle dá a este tema que ten convocada mobilizacións, nas grandes cidades, para o vindeiro día 16 de febreiro”, apunta.
En definitiva, dende o BNG de Ribadeo concluén dicindo que “esta é unha nova demostración dos modos de facer política que teñen no PP ribadense, onde cren que a mentira e o xogo sucio, sumados a intereses espúreos, conducen ao que eles procuran: o rédito político antes que o ben común dos ribadenses. Non habería quen no Antroido lles regalase uns sobres…de tila?”.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
