A Xunta de Persoal do Hospital da Costa convoca unha concentración de traballadoras e traballadores, aberta a usuarias e usuarios e ó pobo da Mariña en xeral, para mostrar o noso enérxico rexeitamento ao Decreto de Xestión Integrada Provincial, para dicir que “non queremos depender de Lugo” e esixir ó presidente da Xunta que rectifique.
A concentración terá lugar este martes día 12 ás doce do mediodía diante do Hospital da Costa.
Resposta
Ante o comunicado emitido o sábado 9 de marzo por parte do Partido Popular de Lugo , afirmando que agora non só van ampliar o Hospital da Costa senón que van a crear as unidades de Oncoloxía e Cirurxía Vascular esta Xunta de Persoal da Área da Mariña está gratamente sorprendida e sería estupendo que isto fose unha realidade, o que pasa é que logo de tantas promesas incumpridas volvémonos algo desconfiados.
Si as promesas anteriores dicíamos que eran mentiras, estas novas ocorrencias coas que espertamos lendo a prensa van moito máis alá, estas novas declaración son auténticas barbaridades e unha falla de respecto á cidadanía.
Nun hospital que carece de espazo, cunhas urxencias e demais servizos saturados, onde o sitio físico para por a resonancia magnética é un camión, onde as consultas atópanse en barracóns, van e dinnos agora que van a por unha Unidade de Quimioterapia e unha Unidade de Cirurxía Vascular, iso é como se dicimos que no noso piso de 70 m2 imos por unha pista de tenis e unha piscina olímpica.
Crear una Unidade de Quimioterapia suporía:
– A creación dun Hospital de día Oncolóxico para ofrecer coidados especializados e administración de tratamentos de quimioterapia sen necesidade de estar ingresado.
– A creación dun equipo especializado no tratamento do cancro: persoal de enfermaría, auxiliares de enfermaría, oncólogos de consultas e un oncólogo de garda dispoñible ante calquera urxencia.
– A coordinación e ampliación doutros servizos como Laboratorio e Farmacia.
– A creación dun espazo adaptado aberto e amplo con camas e cadeiras de brazos dependendo do tipo de paciente e o tratamento a administrar.
É dicir, unha Unidade de Quimioterapia no Hospital da Costa suporía dispoñer de máis espazo, de polo menos dous oncólogos, de máis persoal de enfermaría, de máis auxiliares de enfermería, de máis persoal no servizo de laboratorio, dunha ampliación física do Servizo de Farmacia para dar cabida á instalación de cabinas de fluxo laminar e persoal especializado e formado na preparación dos tratamentos quimioterápicos. Resumindo máis gasto, máis investimento, máis persoal, ampliacións da farmacia, é dicir, todo o contrario do que veñen facendo neste últimos anos, recortar e recortar. Non esquezamos que nos orzamentos para este ano do noso Hospital só están asinados 50.000 euros para obras e melloras, recortan 2 millóns de euros en gastos correntes e destinan un 42% menos para contratación de persoal.
Oxalá un Hospital de Día de Oncoloxía no Hospital da Costa chegase a ser unha realidade, pero as políticas de austeridade e recortes sanitarios demostran que iso no vai a ser así.
Comezaremos a crer estas promesas cando cumpran as pendentes, as que reiteradamente levan repetindo dende fai catro anos:
-CUMPRAN a promesa que o noso hospital non vai perder nunca a súa autonomía e que imos ter unha Xerencia Integrada propia da Mariña.
-CUMPRAN a promesa de que van ampliar este Hospital poñendo enriba da mesa os cartos necesarios para elo, que de discursos fáciles e populistas na prensa xa estamos fartos.
Rematamos novamente coas verbas do Xerente deste hospital, José Insua: “QUEDARÁN MARCADOS OS QUE NON DEFENDAN Á ÁREA PROPIA DA MARIÑA”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
