A paixón, morte e resurrección de Xesús é o gran pivote sobre o que xira a doutrina cristiá, e celébrase na liturxia da Semana Santa. Ó longo dela actos piadosos e desfiles procesionais, que amosan a relixiosidade das xentes, son ó tempo expresións culturais enraizadas nos crentes. Así é onde a historia e a arte deixaron a pegada do sentido e a beleza; tal ocorre en San Martiño pois “as paredes da basílica única condensan a humidade dos séculos de oracións camponesas…” que dixera o seu feligrés vitalicio, o profesor Ramón Reimunde. No Concello de Foz a celebración ten alí o seu cume, que se relaciona co que o cenobio representa na historiografía da igrexia diocesana e onde a Confraría do Desencravo esmérase cada ano en conservar e potenciar os tradicionais valores que a conforman. A austera monumentalidade ofrece un marco idóneo para estas manifestacións, e dos anos adolescentes lembramos cómo nestes días, en especial para asistir ó desencravo, acudían xentes de toda a bisbarra, e a vella catedral era punto de encontro de xoves e vellos que mantiñan unha tradición que, tras un lapsus decadente, hai unha ducia de anos voltou con especial ímpeto da man dos seus promotores, a Confraría, que en cada edición mellora un programa que coidando os detalles e introducindo novidades de calidade e bo gusto, van conseguir que aquel se converta en acto relixioso-cultural punteiro en boa parte da Mariña, pois é difícil atopar contorno mais axeitado: a austeridade dos vellos muros; o silencio que mesmo se escoita; a sobriedade enmarcada polas pedras que, en verbas de A.Cunqueiro, “parecen labradas por mans imposibles”; todo predispón á reflexión e á consideración persoal e íntima de fondos sentimentos, inmerso na paz bucólica que o arrodea e o acougo anímico estimulado por tan engaiolante vivencia. Mañá inicia os actos da Pascua o pregón do vello amigo Saros, focego da diáspora, nado no lugar, do que é admirador e apaixonado amante. O epílogo resoará nas vetustas naves coas voces da Coral Polifónica, todo un luxo, en marco de excepcional acústica. Sen dúbida, unha emotiva xornada.
Suso Fernández
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
