Santiago, 26 de marzo de 13. O portavoz de pesca do Grupo Parlamentario Socialista, José Ramón Val, reclamoulle hoxe á Xunta que aproveite o comité científico sobre o caladoiro de Mauritania para recuperar a presenza dos buques cefalopodeiros galegos expulsados e a rebaixa da contía das licencias para os barcos que se dedican á pescada. O PP rexeitou esta moción presentada polos socialistas galegos no Pleno do Parlamento de hoxe.
Así o dixo no debate dunha moción que tivo lugar hoxe no Pleno do Parlamento, no que advertiu que a pasividade da conselleira de Pesca e do ministro Cañete provocou a expulsión de 24 buques cefalopodeiros galegos con 360 mariñeiros dende o 31 de xullo. Ademais, dixo, provocaron que a UE teña chegado a un acordo con Mauritania que “supón de facto o desmantelamento da flota galega.
Lamentou que os responsables de pesca do PP “non foron quén de elaborar nin defender os informes que din que non hai sobreexplotación” naquel caladoiro. A conclusión é que a flota da pescada ten que pagar catro veces mais pola mesma cota, a área de pesca redúcese un 40 por cento, incrementan a poboación nativa nun 60 por cento e obriga a entregar un 2 por cento das capturas a Mauritania.
José Ramón Val recrimina á conselleira do Medio Rural e do Mar e ao titular de Agricultura do Goberno do Estado de ter unha reacción “lenta” ante a negociación do acordo con Mauritania que os pillou “co paso cambiado”. O deputado socialista reprochoulles aos responsables de Pesca da Xunta e do Estado “a tardanza en escoitarse unha voz crítica”.
Condenou José Ramón Val que nin o Goberno do Estado nin da Xunta se persoaran na negociación “cos deberes feitos”, e aproveitaran os medios do ministerio e a consellería para elaborar un informe detallado e rigoroso sobre o estado da pesqueiría, ou polo menos defender os existentes.
O parlamentario socialista propuxo nesta moción instar á Xunta a realizar as xestións necesarias diante do Goberno do Estado e da Unión Europea para que rebaixar a contía das licencias para os barcos que se dedican á pescada dentro deste mesmo acordo pesqueiro.
Para José Ramón Val é “unha das peores negociacións que se recordan en toda a historia dos acordos pesqueiros”, xunto coa de Marrocos. O voceiro de pesca do Grupo Socialista salientou a coincidencia de gobernos do PP en Madrid e en Galicia co fracaso das negociacións pesqueiras cos países norteafricanos.
“En 1999 remataron con gran parte da nosa presenza no caladoiro marroquí, con Aznar e Fraga, e agora están a piques de rematar coa presenza en augas mauritanas en 2013, con Rajoy e Feijóo”, concluíu.
Pasividade
José Ramón Val recriminou a Rosa Quintana si foi o Goberno galego o que trasladou a Cañete a valoración do informe do verán de 2012, que levou ao ministro a consideralo moi positivo. Esixiu á titular de Medio Rural e Mar e ao ministro do ramo que “recoñezan que non fixeron os deberes”.
Salientou que o rendemento da pesqueiría medrou un 128% neste último ano de 8 a 18 kg por cada lance de media hora. Unha mellora considerable nos recursos do caladoiro respecto dos datos que se toman para o acordo “de hai cinco anos”.
O parlamentario reprocha a Quintana e Cañete que, “mentres espertan, os intereses pesqueiros galegos levan fora de Mauritania 8 meses”, con moitos mariñeiros sen cobrar porque non se puideron acoller as axudas”, insiste Val.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
