Os socialistas valoran que “haxa 252 persoas máis na provincia que puideran traballar no último mes” pero destacan que “lamentablemente é unha mellora coxuntural no sector servizos” ante “a total ausencia dun proxecto de futuro para Galicia e para a economía da provincia”.
O PSdeG de Lugo valora que o paro descendese en 1.336 persoas no mes de marzo en Galicia, 252 delas na provincia lucense, pero apunta que “lamentablemente os datos fan pensar nunha pequena mellora só coxuntural, centrada no sector servizos por Semana Santa”, e que “os sectores produtivos e estruturais como a agricultura, a gandeiría ou a pesca seguen a derrumbarse”, o que demostra a “total ausencia dun proxecto de futuro para Galicia e para a economía da provincia”, como apunta o deputado e secretario de organización do partido en Lugo, Carlos González Santín.
O socialista destaca tamén a “alarmante situación do desemprego” en Galicia e en Lugo, que “se agravou” no último ano, con case 15.000 parados máis, o que supón un incremento do 5,2%. “Galicia, e Lugo, veñen de vivir baixadas moi importantes no número de traballadores, incluso por riba da media do Estado, polo que haberá que ver os datos dos vindeiros meses para saber se esta situación, de gravidade histórica, empeza a estabilizarse por simple estatística, porque as políticas de impulso do emprego do Goberno do Estado e da Xunta son inexistentes”, critica González Santín. O socialista lembra os recortes do Goberno de Feijóo en promoción de emprego, con 401 millóns de euros menos de investimento con respecto a 2009, e cunha rebaixa de 137 millóns, un 40,4 % menos, en relación ao ano pasado, “cando asistimos ao maior volume de paro en Galicia”.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O encontro, aberto ao público, terá lugar na Casa Museo Álvaro Cunqueiro e será moderado por membros da propia asociación. A sesión busca reflexionar colectivamente sobre a posibilidade de que Mondoñedo aspire a ser recoñecida como Patrimonio da Humanidade, abordando a cuestión desde perspectivas históricas, patrimoniais, artísticas, naturais e humanísticas. A actividade comezará ás 11:00 h e a organización anima a toda a veciñanza a participar e compartir opinións.
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
