Foz, 2 de abril de 2013. A programación de actividades culturais organizada polo Concello de Foz para este mes de abril inclúe tres representacións teatrais e unha gravación para a Televisión de Galicia.
O concelleiro de Cultura, Ánxel Paleo, anunciou hoxe que “os sábados na sala Bahía teremos teatro para todos os públicos. As representacións serán ás seis e media da tarde, correrán a cargo de compañías profesionais e están pensadas para que disfrute toda a familia, tanto os pequenos coma os máis maiores. Estas obras están dentro da Rede de Teatro e Auditorios da Xunta de Galicia e o Concello colabora coa Xunta poñendo unha porcentaxe do custe para que se poidan ver estas obras en Foz”.
A primeira representación teatral programada para este mes levarase a cabo este vindeiro sábado, día 6, e será a obra titulada A Voar a cargo de Sarabela. O día 13 escenificarase a obra Babs, que representará a compañía Baobab. E o día 20 a compañía A Xanela do Maxín ofrecerá a obra titulada O rei destronado. Todas elas son obras de teatro infantil e representaranse ás seis e media da tarde na sala Bahía.
E o 27 de abril, sábado, haberá unha gravación para a Televisión de Galicia do programa Lipdub, que “é como un megaplayback que había antes en Antena 3. A canción que se escolleu despois dunhas reunións que fixemos con todos os grupos do Carnaval é O tren, de Andrés do Barro. Esta gravación farase no porto de Foz e irá dentro dun programa dunha hora de duración dedicado integramente ao municipio e que incluirá tamén imaxes de sitios emblemáticos e turísticos, faranlles entrevistas á xente. Iso é durante 50 minutos e despois farase a gravación da canción”, explicou o concelleiro de Cultura, quen solicita a colaboración dos veciños “porque cantos máis sexan mellor”. Os interesados poden chamar á Casa da Xuventude para apuntarse ou preguntar por Carmen Seco no teléfono 982.133.037.
Ánxel Paleo rematou explicando que “antes facíase unha actuación teatral cada mes, pero agora pensamos que é mellor programalas en abril tres sábados seguidos porque despois en maio e xuño xa vén mellor tempo e os nenos queren saír de paseo, estar no parque ou ir á praia, se fai bo tempo”.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
