18 centros de ensino de Lugo participan no programa Qontos en Movemento que busca espertar a capacidade crítica e o gusto pola lectura das crianzas a través do cine.
En abril tres centros de diferentes comarcas lucenses realizarán estes obradoiros, comezando mañá en Becerreá, o venres no CEIP de Monforte e o xoves 11 no CEIP San Xoán de Requeixo de Chantada.
Lugo, 3 de abril de 2013. O audiovisual e a literatura escrita/oral non son linguaxes excluíntes. Coexisten e enriquécense mutuamente e son unha ferramenta educativa moi potente, sobre todo se hai un uso conxunto de ambas. Esta é a aposta da Área de Cultura da Vicepresidencia Primeira da Deputación de Lugo co programa “Qontos en movemento”, que pon en marcha OQO editora, co obxectivo de fomentar a educación audiovisual nas aulas, conxugando cine e contos.
18 centros de ensino de Lugo participarán en máis de 20 obradoiros teórico-prácticos, nos que se procura espertar a capacidade crítica e o gusto pola lectura dos cativos de educación primaria, a través do cine. Traballarase con filmes de OQO, baseados nos seus contos. Deste xeito, incídese na complementariedade de ambas linguaxes e demóstrase como a animación lectora tamén se pode realizar desde a educación audiovisual.
“Qontos en movemento” parte do feito de comprobar como algunhas xeración continúan a considerar os medios audiovisuais unha novidade tecnolóxica que os supera. Tamén coma unha canle chea de prexuízos en canto ao seu valor pedagóxico. Consecuentemente, a súa ensinanza está a ser relegada ao adestramento técnico e continúase a alimentar unha imaxe negativa sobre os seus nocivos efectos. Asemade, é frecuente culpar a estes novos medios das cifras alarmantes de caída de hábitos da lectura na infancia.
En “Qontos en movemento”, a literatura, no canto de marcar distancias e diferenzas, aproveita esas características dos novos medios —que se fan tan atractivos aos ollos das novas xeracións— para espertar o gusto non só pola lectura, senón pola arte, o desenvolvemento da capacidade de crítica e pensamento.
O audiovisual como unha potente ferramenta educativa
A Área de Cultura da Vicepresidencia Primeira da Deputación de Lugo e OQO son conscientes da importancia do cine como fenómeno de masas, do seu poder de espectáculo, pero tamén do seu poder de formación que axuda a cuestionar e desenvolver unha formación crítica. Porén, traballando en espazos axeitados, como as escolas, pode converterse nunha ferramenta educativa moi potente.
Nos obradoiros fomentarase unha compresión critica do audiovisual, máis aló do tradicional uso dos medios audiovisuais como recurso didáctico na aula. Nestas actividades dotarase ao alumnado de ferramentas de análise crítica da comunicación para saber que o que reciben de maneira visual (cine, televisión…), e outorgaráselle unha autonomía e coñecemento, para que poidan gozar das imaxes e descodificalas.
Todo o peso da información e formación que estes obradoiros supoñen non afogan o aspecto lúdico e de entretemento que leva implícito o cine e a literatura. Así que aos cativos espéranlle unhas actividades atractivas, dinámicas e con capacidade de motivación.
Afectarán aos seguintes servizos: Piscina: pechada. Duchas dos vestiarios: pechadas. Ximnasio e actividades en seco: abertos no horario habitual. O Concello agradece a comprensión da cidadanía.
O presidente, José Luis Sáez, agradeceu o apoio da empresa, clave para reforzar os equipos nesta segunda volta e garantir a continuidade da entidade, que segue loitando pola permanencia en Primeira División Iberdrola e Segunda División.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
