Decíamos en anterior entrega, ó falar da asociación O Feitizo, no 35 compreanos, que a súa orixe haí que buscala na Feira do Arte Popular Galego, nome suxerido por Díaz Pardo, a quen os organizadores acudiron en demanda dos seus consellos. Por certo que ó ilustre ceramista o engaiolou a idea de xuntar ós artesáns traballando á vista do público, o que nunca se fixera. O seu fillo Xosé diseñou o cartel, e a prestixosa firma participou coas súas pezas por vez primeira en mostra desta natureza, cando só había un par de anos que estaban no mercado. Foi importante atractivo para o certame, que vivíu tres edicións. Os organizadores percorreron a zona á búsqueda de artesáns (ano 1971) e así apareceron cesteiros en Budián, zoqueiros no Valadouro, alfareiros en Mondoñedo, telar en Cangas, taxidermista en Barreiros… Luis G. Pacios, pintor lugués que na cidade ensinaba as técnicas da pintura, envía obra dos seus discípulos, pintores e escultores, que atendería o intelectual Adolfo Abel Vilela, a quen unha inoportuna avería no proxector de diapositivas impedíu dar a programada charla”A arte na Capela Sixtina”. O Orfeón de Mondoñedo actuara na inauguración na que se agasallou con pulpo servido polo lugués Manolo Cancela, dende o stand enxebre que Pazo Ribeiro instalara no recinto feiral.A Feira medra e amigos espallados por Galicia facilitan a achega de novos elementos: Elvira R. Osorio, a tecedora chantadina mais prestixosa e galardonada do país, artífice de pezas que foron a mans de políticos e reis, ou do Papa; Pepe de Burón, de Mañente, que tallou en madeira unha réplica da imprenta de Guttemberg que, imprimindo na feira, con letras tamén talladas, causara sensación; a singular aportación dun grupo de teleclubs; a actuación da rondalla Iris de Monforte; teatro galego… e sobre todo a presencia do macro stand de artesanía da Cidade dos Muchachos de Ourense, completaban o contido dun novedoso feito cultural que sorprendeo a propios e estranos. De varios puntos de Galicia chegaron excursións . Foi a primeira vez que, despois da guerra civil, ondeou en Foz a bandeira galega. Hai 40 anos…
Suso Fernández
O venres descubrirase a placa que oficializa o nomeamento da Biblioteca Municipal co seu nome, dentro da iniciativa “Miradas sobre Agustín 2026-2027”, que busca divulgar o legado do escritor e apoiar a súa candidatura ás Letras Galegas de 2028. O programa inclúe unha exposición, a lectura dun manifesto e unha conferencia. O sábado entregarase no Auditorio o IX Premio Agustín Fernández Paz de narrativa infantil e xuvenil pola Igualdade. Rouco destacou a importancia de visibilizar a figura do autor e convidou a veciñanza a participar nos actos.
As nenas e nenos coñeceron o proceso de moenda e levaron unha mostra de fariña. García destacou a importancia de achegar a realidade do rural á infancia e agradeceu a colaboración das granxas, ANPAS e centros educativos. O Muíño de Coea é unha das novas incorporacións a un programa que este ano inclúe 210 actividades e chega a máis de 6.000 escolares de 74 centros da provincia.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
