Foz, 29 de abril de 2013. O primeiro tenente de alcalde, o popular Pedro Fernández Manín, respondeu hoxe as últimas críticas realizadas polo portavoz de Unifoz, Jaime Cancio, sobre gastos do Concello e lembrou que cando era concelleiro de Cultura Cancio gastaba moito máis que o actual goberno local.
Fernández Manín manifestou que “parece mentira que o señor Cancio se pare nunhas facturas de 600 euros da Cabalgata de Reis cando el nos seus tempos como concelleiro de Cultura gastaba moito máis: hai facturas de fogos de artificio de 2.000 euros, pagaba cabalos e moito máis de gastos sen problema ningún. Neste momento o señor Cancio non se acorda do que gastaba, actuando como dono e señor”.
O primeiro tenente de alcalde tamén comentou que o portavoz de Unifoz “xa preguntou no pleno pola compra dunha fotocopiadora e explicóuselle que os motivos son que se vai aforrar o 50 por cen en tóner. Cando el estaba no goberno local pagábanse 20.000 euros de gastos de tóner no Concello de Foz máis aparte o papel. Por conseguinte practicamente nun ano vaise amortizar a fotocopiadora”.
Manín engadiu que Cancio “tamén pide que o alcalde presente unha moción de confianza, pero o Concello de Foz non ten necesidade nestes momentos dunha moción de confianza porque temos uns presupostos municipais aprobados o ano pasado, aos que el votou en contra. E non se da conta de que durante a lexislatura anterior estiveron gobernando, e el tamén pois foi primeiro tenente de alcalde, cuns orzamentos aprobados daquela maneira no 2008. Por conseguinte non cremos desde o grupo de goberno que o señor Cancio estea moi lexitimado para chamarnos a atención a nosoutros sobre o que gastamos”.
Para Pedro Fernández Manín “é incrible ao que este señor di que non: fala do plan de emprego, pero cando se aprobaron os presupostos do ano pasado o señor Cancio votou en contra e despois dicía que o plan de emprego non era válido. Agora tivo a oportunidade porque nos orzamentos que presentamos para este ano ía un plan de emprego e este señor tamén votou en contra. Entonces el o quere é facer o asalto ao sillón e gobernar, pero para iso hai que contar cos votos. El xa estivo en todos os partidos e xa tiña practicamente negociada hai pouco tempo a moción de censura para ser alcalde, pero o que pasou foi que non encontrou a persoa, por se non o votaban a el, para que o fora o home de palla e gobernar el”.
O primeiro tenente de alcalde considera que Jaime Cancio debería “apoiar ao equipo de goberno, poñer propostas sobre a mesa que se poidan levar a cabo e deixar de dicir no a todo. Eu recomendaríalle ao señor Cancio que empece a traballar por Foz, que se deixe de criticar o que se fai, porque todos os veciños saben perfectamente como traballa este señor, como traballaba cando facía as festas e como facía a recadación. A xente que foi agora a pedir sabe perfectamente o que contestan en moitos sitios. Por conseguinte eu rogaríalle ao señor Cancio que apoie e que traia propostas para facer e debe saber como están as arcas do Concello de Foz e sabe que votou en contra do plan de axuste e dos presupostos. El di no a todo para intentar queimar ao equipo de goberno. Pídolle que cambie a actitude e que apoie e traballe para o Concello de Foz e para todos os veciños”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
