Este ano outorgaranse premios especiais ás mellores fotografías tomadas nalgunha paraxe do municipio cervense.
O prazo de presentación dos traballos pecharase o 20 de maio e a entrega de premios realizarase o 5 de xuño coincidindo como cada ano co Día Mundial do Medio Ambiente.
Cervo, 3 de maio de 2013-O III Concurso fotográfico de Medio Ambiente “Cervo respecta” chega este ano con novidades pero mantendo a súa filosofía de “concienciar de la importancia de proteger y cuidar nuestro entorno natural y, al mismo tiempo, dar a conocer nuestra belleza paisajística” tal e como explica a edil de Medio Ambiente, Begoña Alonso que participou hoxe na presentación do cartel xunto ao alcalde, Alfonso Villares.
Un certame no que se poderán presentar ata tres fotografías por autor, tendo como temática o medio ambiente, coidado e ben conservado, e en todo caso deberá tratarse de imaxes tomadas na comunidade autónoma de Galicia. En concreto, poden ser imaxes de lugares e escenas verdes ou calquera instante vivo da natureza.
Ademais, xunto aos anteriores requisitos, os autores tamén terán que especificar o lugar concreto no que foron sacadas as fotografías, que deberán ser orixinais e inéditas, en formato dixital (JPEG), en alta calidade (sen compresión) e cunha resolución mínima de 2048 píxeles sen limitación de tamaño en MB.
En canto aos premios, mantéñense as categorías establecidas noutras edicións, a de adulto (maiores de 18 anos) e xuvenil (menores de 18 anos), e en cada unha delas outorgarase un primeiro e un segundo premio. Pero ademais, como novidade, este ano concederase o Top Cervo, un premio especial á mellor fotografía medioambiental tomada nalgún recuncho do municipio cervense sempre que o lugar sexa identificable. Así, haberá un Top Cervo en xuvenil e outro en adulto “como forma de potenciar y de poner en valor nuestro medio natural” engade Alonso.
Concretamente os premios consistirán, na categoría de adultos, nunha peza de cerámica e un vale de 100 euros para gastar en establecementos do municipio para o primeiro, e unha peza de cerámica e un vale de 50 euros para o segundo, mentres o Top Cervo consistirá nun vale de 50 euros. E na categoría xuvenil o primeiro premio incluirá un detalle e un vale de 100 euros en material deportivo mentres o segundo recibirá un detalle e un vale de 50 euros en material deportivo. O Top Cervo xuvenil será de 50 euros para gastar en establecementos do municipio.
As fotografías deberán presentarse nun sobre pechado que inclúa un CD coas imaxes así como un título para cada foto e a descrición do lugar e a provincia na que foi sacada. Ademais, deberá incluír outro sobre no que se indicarán os datos persoais do autor. As fotografías pódense remitir ata o 20 de maio á Casa do Concello de Cervo ou á Casa da Cultura de San Cibrao, ben en persoa ou a través de correo ordinario ou mensaxería instantánea. Para máis información poden poñerse en contacto coa delegación de Medio Ambiente na dirección medioambiente@concellodecervo.com
Lembrar tamén que o fallo do xurado, composto por especialistas no tema, darase a coñecer o 3 de xuño e, como cada ano, os premios entregaranse o 5 de xuño, coincidindo co Día Mundial do Medio Ambiente. Ao mesmo tempo, o Concello ten previsto expoñer ao público todos os traballos presentados que cumpran coas bases fixadas.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
