Ribadeo, 21 de maio de 2013. Ribadeo acollerá os días 29 e 30 de xuño o VII Curso Temático sobre Educación Infantil da Mariña, que organizan a Universidade da Coruña, o Concello ribadense e o Centro Integrado de FP Porta da Auga. Son 125 as prazas que se ofertan. O prazo de matrícula rematará o 25 de xuño. O tema que se abordará nesta edición será Infancia e xogo: xogar para xogar, xogar para aprender. O programa inclúe relatorios, un obradoiro de construción de xoguetes e enredos con materiais da natureza, a proxección dunha película de Charles Chaplin e unha actuación musical.
A presentación do curso tivo lugar este mediodía no salón de plenos do Concello. Alí compareceron a directora do CIFP Porta da Auga, Beatriz Dobaño, o director do curso e profesor nese centro, Xesús Ferreiro, e a concelleira de Educación, Mariluz Álvarez Lastra.
A edil nacionalista sinalou que “é o sétimo ano consecutivo que xunto co Centro Integrado de Formación Profesional Porta de Auga, a través do seu ciclo superior de educación infantil, o único que temos na Mariña e o segundo da provincia de Lugo, colaboramos para poder levar a cabo este curso que está acreditado e avalado nos últimos anos pola Universidade da Coruña”.
Dito curso está dirixido a mestres/as graduados, diplomados/as e estudantes de maxisterio, técnicos/as en E.I. ou en Xardín de Infancia, alumnado do ciclo de Grao Superior en Educación Infantil, auxiliares coidadores/as de Escolas Infantís, persoal de SS SS.
O director do mesmo, Xesús Ferreiro, subliñou que “a matrícula se realizará única e exclusivamente na web da Universidade da Coruña: www.udc.es/occ. O prazo abriuse o 16 de maio e rematará o 25 de xuño. Hai dúas taxas, unha xeral de 50 euros e unha reducida de 30 euros para parados, xubilados, estudantes de FP e de bacharelato”.
A directora do CIFP Porta da Auga, Beatriz Dobaño, dixo que “con este curso lo que se pretende es complementar la oferta educativa que tenemos en nuestro centro. Esperamos que esta colaboración continúe”.
O 29 de xuño nos relatorios abordaranse cuestións coma a función e sentido do xogo e xoguete tradicional; os sons do xogo e os xogos do son; o xogo simbólico como necesidade de representar a realidade; e xogo e xénero, a mirada necesaria. A xornada rematará coa proxección didáctica da película The kid de Charles Chaplin. Será unha sesión de cine mudo con música en directo a cargo de Francisco José Rey Eibe ao piano.
Xa o 30 de xuño analizaranse aspectos como a experiencia da recuperación do patrimonio lúdico como referente educativo no CEIP A Capela, da Coruña; organizando a realidade: a heurística, a lóxica e a matemática na primeira infancia; e a educación infantil na Revista Galega de Educación. Ese día terá lugar un obradoiro de construción de xoguetes e enredos con materiais da natureza, que será impartido por José Manuel García Fernández, que é un investigador do xoguete tradicional. O curso rematará cunha actuación musical do grupo de percusión da Escola Municipal de Música e Danza de Ribadeo.
O VII Curso Temático sobre Educación Infantil da Mariña desenvolverase no Cine Teatro de Ribadeo.
Este xoves recibíuse unha comunicación da Casa Real, felicitando pola consecución da Copa da Raíña 2025.
A mostra 'Universo Vizoso' permanecerá aberta ao público ata o 8 de xuño no Centro Sociocomunitario.
Unha cita á que a institución provincial achega 10.000€ para a súa organización e que reuniu a centos de persoas na Praza do Concello trabadense para degustar este prato típico do municipio. Carlos López destacou a colaboración da institución provincial a esta “cita senlleira, que pon en valor unha cultura gastronómica capaz de atraer visitantes ao noso territorio”. Destacou o traballo que fai o Concello mariñán por enxalzar este produto, tamén chamado faragullos que se elabora con touciño, ovos, leite, fariña e auga.
O delegado territorial da Xunta en Lugo, Javier Arias felicitou este sábado a Reyco polos seus 30 anos de traxectoria no sector do transporte por estrada. Un exemplo de empresa lucense que medra con rigor, compromiso e aposta pola calidade "Desde a Xunta de Galicia seguimos apoiando ao sector con medidas para modernizar frotas, dixitalizar procesos e mellorar a formación dos profesionais". "O transporte é clave para o futuro económico de Galicia e empresas coma esta son parte dese avance", apuntou.
O conselleiro do Mar asistiu este sábado á charla sobre ‘Saúde, Deporte e Empresa’ que impartiu Juan Corbalán no centro sociocultural Avelino Díaz.
Categoría infantil: 1° Premio: Paula Martínez. 2°: Valentina Blanco. 3°: Empate entre Alejandra Castro e Saúl Tourón. Categoría primaria: 1° Premio: Lucy Fernández. 2°: Lily Fernández. 3°: Laia Rodríguez. Categoría adultos: 1° Premio: Tomás Mariño. 2°: Iria Baltar
Abordaron as necesidades deste municipio e avaliar posibles vías de colaboración desde a Xunta que contribúan á execución de proxectos conxuntos no marco do compromiso do Goberno galego coas entidades locais.
