Cren que a postura de non querer incluir a moción que quedou pendente do anterior pleno, “demostra que non teñen ningún interese de posicionarse neste asunto, tan trascendental para os veciños”
Dende o GMS subliñan que “o único argumento do Partido Popular para non apoiar a moción é que non vamos perder ningún servizo”
CERVO, 31 DE MAIO. Os membros do Grupo Municipal Socialista lamentan que o equipo de goberno “vote en contra da urxencia da moción en defensa da área sanitaria de A Mariña durante a sesión plenaria celebrada no día de onte”.
Neste senso, os socialistas aseguran que “sendo o pleno o órgano máis representativo do Concello, no que estamos presentes tódolos partidos políticos, é unha pena que o Partido Popular manteña a postura de non incluir os puntos que quedaron no aire na pasada sesión. Todas estas trabas non teñen ningún outro sentido a non ser que teñan medo a algo ou que intenten escurrir o bulto para non posicionarse neste asunto”.
Dende o goberno non se fixo esforzo algún por volver a debatir no pleno o tema da defensa dos servizos sanitarios na nosa comarca escudándose que non estaban na orde do día, “dende a oposición pedímoslles que facendo un exercicio democrático poidésemos sacar adiante o fondo da cuestión, como é a defensa da área integral sanitaria pero o PP votou en contra”.
Engaden que “é unha pena que non se defenda dende cada un dos concellos da Mariña a autonomía do noso hospital comarcal co único argumento de que non se vai perder ningún servizo. Cremos que a realidade é ben distinta e o que non queren dende o PP é tratar puntos tan trascendentes para os veciños como é o tema sanitario”.
O cambio resulta necesario porque a instalación das atraccións impide o paso dos camións de recollida por estes puntos. O contedor situado na Travesía Granxas trasladarase á avenida de Vilalba, mentres que o instalado na rúa Antonio Roca pasará á rúa Suasbarras. Ademais, o Concello reforzará a dotación de contedores no Campo da Festa e no Campo da Pascua, onde se colocarán máis unidades para atender o incremento de residuos previsto durante a celebración. Desde o Concello agradécese a comprensión á veciñanza polos cambios realizados e lémbrase a importancia de depositar os residuos nos contedores situados nas novas localizacións, co fin de facilitar o correcto funcionamento do servizo de recollida.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
