Ribadeo, 3 de xuño de 2013. O alcalde, Fernando Suárez, destaca a importancia que ten para a vila a celebración de torneos deportivos coma o dos veteranos do Ribadeo FC ou os torneos infantís da SD Ribadeo. O rexedor di que supoñen un impulso para hostalería e para o comercio ribadense e engade que os binomios deporte e turismo e deporte e economía son moi importantes. Suárez Barcia agradece o traballo realizado para que estes eventos se celebren en Ribadeo.
O rexedor valorou de xeito moi positivo “estas iniciativas que nestes últimos anos, nestes últimos tempos e si cadra agora cada vez máis, se están a facer no ámbito do deporte, ben sexan torneos de fútbol sala feminino, torneos de veteranos do Ribadeo FC, que trouxeron a 1.000 persoas aquí, ou mesmo os torneos que esta fin de semana tivo aquí a SD Ribadeo, con centos e centos de nenos e pais e nais de moitos lugares de Galicia, de fora de aquí e incluso de Portugal”.
Fernando Suárez sinalou que “estes eventos enchen non só os campos de fútbol municipais, senón que tamén os seus pais e nais e eles mesmos enchen a hostalería local. Da gusto vir a Ribadeo nestas últimas fins de semana e ver como tamén o deporte, a parte de que o deporte base é algo fundamental no desenvolvemento dos máis pequenos, supón en Ribadeo un impulso á economía comercial e hostaleira moi importante”.
O rexedor ribadense tamén agradeceu “a todas estas directivas o traballo e o esforzo que están a realizar para organizar estes eventos. Nós tentamos axudar en todo canto podemos. Este binomio entre deporte e turismo e entre deporte e economía é moi importante e en Ribadeo esperemos que se vexa reforzado co remate da construción do novo pavillón, que dará moitas mais posibilidades a outros deportes non tan masivos coma estes que acabo de citar, pero sí que seguro que poderemos seguir traendo a unha chea de xente mais doutros deportes. O obxectivo é ir convertendo Ribadeo nun lugar non só preferente para os congresos médicos e de sociedades, como tamén facemos, senón tamén vinculados aos encontros deportivos que sempre acaban traendo moita xente que consume, come e durme en Ribadeo e iso é o que importa”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
