A semana pasada asistimos en Burela a un Pleno Municipal máis baleiro totalmente de contido, o que demostra de novo a nula xestión do equipo de goberno do PP: ningún proxecto novo, ningunha obra nova, ningún novo servizo… nada de nada. Ese é o resumo do Pleno da semana pasada.
Pero para o que si serviu este Pleno foi para comprobar unha vez máis dúas cousas:
-unha, o PP gasta máis da conta, por moito que se empeñen en negalo. Un dos puntos do Pleno era o recoñecemento extraxudicial dunha serie de facturas (por importe de máis de 120.000 €) que non entraron dentro do orzamento de 2012, ben porque chegaron tarde (unha vez pechado o ano contablemente) ou ben porque se gastou de máis en certas partidas. E por este concepto, por gastar de máis (posto que eran facturas correspondentes aos meses de agosto, outubro ou decembro de 2012 e deberían de ter sido pagadas con normalidade), case 51.000 € en facturas de 2012 tiveron que ser recoñecidas agora. E, insistimos, foron cartos gastados de máis en distintas concellerías e que non se puideron pagar en tempo e forma correctos porque xa non había cartos.
– e dúas, o PP sitúase en contra dos intereses dos veciños e veciñas de Burela porque non vota a favor dunhas mocións que dende o BNG presentamos. Tratábase dunha moción relativa ás nefastas consecuencias que a futura Política Pesqueira Común, avalada polo PP no Goberno do Estado e tamén na Xunta de Galiza, vai traer para o noso sector pesqueiro nos vindeiros anos. O tema das cotas de pesca e dos descartes, entre outros, que plantexa a nova PPC da UE van supoñer consecuencias moi graves para a nosa flota e o PP de Burela “pasa” do tema para non molestar os seus compañeiros de partido en Madrid.
E, aínda hai máis, tamén o PP de Burela se negou a apoiar a nosa moción sobre os xulgados de paz e os rexistros civís. O Goberno do PP no Estado pretende modificar estes dous organismos: os xulgados de paz desaparecerán (as actuacións que neles se facían pasarán a facerse nos xulgados das capitais) e os rexistros civís deixarán de ser gratuítos ao pasar a mans privadas as xestión que neles se facían. E o PP de Burela non está en contra disto.
Á marxe dos asuntos do Pleno, que como xa dixemos eran de mero trámite e sen ningún proxecto de futuro, o que si son interesantes son os Decretos de Alcaldía que acompañan a documentación de cada Pleno. E, son interesantes porque nos mostran, unha vez máis, que o equipo de goberno do PP de Burela o único que fai é viaxar, facer turismo polas Consellerías, sen ningún proveito á vista: ningunha obra nova, ningún proxecto de futuro, ningún novo servizo.
En outubro do ano pasado solicitamos, por escrito, ao Alcalde explicación sobre as súas avultadas dietas. Reiteramos, ante o seu silencio, a nosa petición en xaneiro de 2013. Pero, o sr. González Barcia négase a contestarnos. Máis de 7.000 € gastou o Alcalde en dietas durante o ano 2012 e non quere dar explicacións das supostas xestións que realiza nesas viaxes.
Pero agora, no 2013, non só viaxa o Alcalde senón que tamén lle colleron gusto ao tema outros catro concelleiros/as máis. Entre o Alcalde, o concelleiro de obras, a concelleira de servizos sociais, a concelleira de cultura e a concelleira de deporte levan gastados nos tres primeiros meses deste ano 2013 máis de 3.000 € en dietas. E todos os veciños e veciñas de Burela nos preguntamos qué van facer nesas viaxes porque nada novo vemos na nosa vila que demostre as súas supostas xestións nestes desprazamentos.
Pois isto é o resumo do Pleno Municipal de Burela do mes de maio: un Pleno baleiro totalmente de contidos (nada novo, é algo ao que xa estamos acostumados). E unha documentación complementaria na que podemos constatar unha vez máis o derroche de cartos públicos en viaxes e desprazamentos do equipo de goberno do PP que nada aportan ao benestar e á mellora do noso concello.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
