Ribadeo, 12 de xuño de 2013. O alcalde, Fernando Suárez, ven de enviarlle un requirimento ao Instituto Galego de Consumo sobre as preferentes e subordinadas. Desde o Concello solicitan un informe co número de expedientes, con titulares de Ribadeo, que foron resoltos ata o de agora pola vía da arbitraxe e cántas se atopan pendentes de resolución por esta vía e/ou pola vía xudicial e en qué prazo se calcula esa resolución. No escrito remitido ao Instituto Galego de Consumo o rexedor “interesa dese organismo que na medida do posible sexan esixidas tanto a resolución de todas as reclamacións formuladas como, no seu caso, as responsabilidades pertinentes a quen considere causante de tal situación”.
Suárez Barcia dixo que “desde o Concello estamos a seguir moi de cerca cómo está a evolucionar a situación de centos e centos de afectados aquí en Ribadeo polas participacións preferentes e subordinadas” e lembrou a denuncia trasladada no seu día diante da fiscalía ou o pleno da Corporación “desde onde lle advertimos a Novagalicia Banco de que, de non tomar medidas activas para iniciar os trámites de devolución dos cartos estafados aos afectados, retiraríamos os fondos do Concello desa entidade bancaria”.
O alcalde de Ribadeo explicou que “agora, á vista de que o goberno do Estado acaba de anunciar a inminencia desas quitas, nós desde o Concello vimos de enviar hoxe un requirimento ao Instituto Galego de Consumo, que depende da Xunta de Galicia, para que nos contesten dunha maneira clara e nítida a algunhas preguntas: cántas desas persoas, que fixeron reclamacións a través do servizo municipal de consumo e desde aquí trasladadas a Consumo da Xunta para que lograsen un laudo arbitral, foron atendidas xa, cántas quedan por atender e cándo se prevé que sexan atendidas todas esas reclamacións”.
Fernando Suárez subliñou que “desde o goberno se está a indicar que a partires de agosto cesará o sistema de arbitraxe e iso parécenos que é algo que non se debe dar, polo menos ata que non estean a totalidade das reclamacións atendidas” e insistiu en que “desde o Concello queremos saber cántos casos foron resoltos ata o de agora, cántos están pendentes de resolución, e advertirlle ao goberno galego que non se lle ocorra pechar a vía arbitral sen estar avaliados todos os estafados que fixeron as reclamacións pertinentes e oportunas en tempo e forma nas oficinas de consumo municipais, como é o caso da que temos aquí en Ribadeo”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
