Lourenzá, 12 de xuño de 2013. As actividades celebradas en Lourenzá dende o día 1 deste mes para conmemorar do Día do Medio Ambiente remataron onte cun acto no que se entregaron os premios do concurso escolar de fotografía e houbo unha charla sobre a natureza a cargo do profesor do Consejo Superior de Investigaciones Científicas (CSIC) Miguel Delibes de Castro. Desenvolveuse no salón de actos da Casa do Concello, que estivo ateigado de público.
Na súa intervención a alcaldesa laurentina, Emma Álvarez Chao, lembrou as actividades celebradas no municipio para conmemorar o Día do Medio Ambiente dende o día 1 deste mes: “unha xornada de voluntariado que consistiu na limpeza dun bo tramo do río Baos; como ven sendo costume dende o ano 2008, acercamos ao Ceip Juan Rey unha actividade promovida polo Concello, neste caso pola biblioteca municipal, que foi unha sesión de contacontos na que o eixo principal era a conservación do medio ambiente así como do noso hábitat autóctono; e ao mesmo tempo, en colaboración co Ceip e co Instituto San Rosendo, de Mondoñedo, celebramos o concurso de fotografía escolar, que deu como resultado os 77 traballos que os rapaces e rapazas dos dous centros nos fixeron chegar e que durante toda esta semana están expostos”.
A rexedora municipal tamén comentou que “dende o equipo de goberno, xa dende a anterior lexislatura na que eu tiven a sorte de ser concelleira de Medio Ambiente, tratouse de celebrar este día cos máis novos do concello, porque cremos que son eles os que poden facer un papel imprescindible na conservación do noso medio. Cremos que dende pequenos deben ser educados coa máxima de respecto á natureza; toda manifestación de vida merece respecto xa que o noso mundo é o único que temos e debemos preservalo nas mellores condicións posibles para que as futuras xeracións tamén o poidan gozar”.
Emma Álvarez manifestou ademais que “aproveitando a presenza hoxe aquí de Miguel Delibes de Castro parece acaído recordar a frase do seu pai: La máquina ha venido a calentar el estómago del hombre pero ha enfriado su corazón, que de seguro cando el a escribiu non se refería á conservación da natureza pero ben podemos referirnos a ela si temos en conta que vivimos nun mundo materialista onde a tecnoloxía parece dominalo todo deixando de lado a base fundamental da supervivencia da especie humana, que é a conservación do noso planeta”.
A continuación entregáronse os premios do concurso fotográfico A Natureza na Mariña Lucense, acto no que participaron o director xeral de Conservación da Natureza, Ricardo García Borregón; o xefe territorial da Consellería de Medio Ambiente en Lugo, José María López Vega; o xefe do Servizo de Conservación da Natureza en Lugo, Antonio Callejo Rey; o presidente da Mancomunidade de Municipios da Mariña, Alfonso Fuente Parga; a alcaldesa, Emma Álvarez Chao; e o concelleiro de Medio Ambiente en Lourenzá, Antonio Reigosa Pedreira.
E como colofón ás actividades enmarcadas en torno ao Día Mundial do Medio Ambiente en Lourenzá tivo lugar a charla do profesor do Consejo Superior de Investigaciones Científicas e presidente do consello de participación do espazo natural de Doñana, Miguel Delibes de Castro, baixo o título ¿Por que conservar a natureza?
Sobre o conferenciante a rexedora municipal comentou que “cando estes días oíamos que Miguel Delibes estaría en Lourenzá a máis dun deulle por pensar que iso desgraciadamente non é posible, pero todo nesta vida garda relación e evidentemente Miguel Delibes de Castro é o primoxénito do que foi un dos grandes novelistas da literatura española da posguerra e membro da Real Academia Española. Aínda que na mente dos que xa teñen un pouco máis de idade posiblemente estea presente Miguel Delibes pai, o currículo do doutor Delibes tampouco ten desperdicio. E dende logo a influencia literaria do seu pai xa está marcando parte do seu currículo, coas distintas publicacións especializadas na materia que domina, a bioloxía e a natureza en xeral, obras como La naturaleza en peligro ou La tierra herida: ¿qué mundo heredarán nuestros hijos?, moi acaído para a xornada de hoxe”.
Emma Álvarez engadiu que “o doutor Delibes estudou Ciencias Biolóxicas na Universidade Complutense de Madrid; tras licenciarse en 1969 realizou a tese doutoral en Doñana sobre a ecoloxía trófica do lince ibérico, que rematou no 77. Máis tarde, no 1988, foi nomeado director da Estación Biolóxica de Doñana, pertencente á Sociedade Española para o estudo e conservación dos mamíferos (SECEM). Desenvolveu un extenso labor como membro da Unión Internacional para a Conservación da Natureza, traballando en diversos grupos de investigación en España, Arxentina e México. Os seus traballos de campo e estudos científicos plasmáronse en multitude de obras (libros, artigos, etcétera) de carácter científico, requisito indispensable para ser recoñecido como científico relevante. É tamén notable a súa faceta como divulgador, iniciada nos seus anos de xuventude con Félix Rodríguez de la Fuente, traballando como redactor da Enciclopedia Salvat de la Fauna e noutras obras importantes. Está considerado como unha das máximas autoridades mundiais da chamada Bioloxía da Conservación e ao longo da súa dilatada carreira profesional recibiu numerosos premios e galardóns entre os que podemos citar: o Premio Nacional de Medio Ambiente Félix Rodríguez de la Fuente, no 2001; ao ano seguinte recibiu a distinción da Xunta de Castela León de Protección Ambiental; xa no 2003 recibiu o Premio á Protección do Medio Ambiente Rey Jaime I da Comunidade Valenciana; e no 2005 obtivo o Premio Nacional Alejandro Malaspina en Ciencias y Tecnologías de los Recursos Naturales. E de seguro que haberá máis que engadir a esta lista, para que o legado que deixe ao mundo da bioloxía sexa tan importante como o que no seu día deixou seu pai na literatura española”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
