A Deputación comezará nas vindeiras semanas a construír as residencias e centros de día públicos de Castroverde e Trabada logo de adxudicar estas actuacións. E é que o Presidente, José Ramón Gómez Besteiro, acompañado polo Alcalde castroverdense, Xosé María Arias Fernández, vén de asinar o contrato para a execución do centro da terceira idade deste municipio. Da mesma forma, este luns, 17 de xuño, Gómez Besteiro fará o mesmo co proxecto de Trabada tamén neste caso xunto ó Rexedor de dito Concello, José Manuel Yanes Ginzo. Deste xeito, quedarán resoltas as contratacións de ambos os dous proxectos, facendo posible que, unha vez que transcorran os prazos legais establecidos e as empresas entreguen a documentación correspondente (aproximadamente un mes, segundo estiman os técnicos), a institución comece con estes traballos.
Gómez Besteiro explicou que “as obras dos centros para maiores en Castroverde e Trabada, que se suman as que executamos na Fonsagrada, forman parte da 1ª fase de desenvolvemento do plan de implantación de residencias e centros de día públicos no rural lugués para combater o despoboamento demográfico, no que a Xunta de Galicia non quixo colaborar”. O Goberno galego rexeitou concertar prazas públicas nas residencias e centros de día públicos da Deputación que si ofrece a centros privados porque, segundo manifestou textualmente a Conselleira de Traballo, estas dotacións sociais “non son prioritarias nin necesarias” en Lugo malia ser, xunto con Ourense, a provincia galega máis avellentada. Posteriormente, o Executivo de Feijóo tardou máis de 1 ano en conceder o informe favorable ós proxectos rematados, requisito imprescindible para poder iniciar as obras.
“Non renunciamos ó 100% do noso proxecto”
As trabas que a Xunta interpuxo á Deputación fixo que “se atrasasen os prazos previstos para o desenvolvemento da nosa rede de residencias e centro de día públicos na provincia”. Non obstante, adiantou o Presidente, “proximamente, contrataremos as obras dos centros para maiores de Pedrafita do Cebreiro e Pol coas que, xunto ás de Navia de Suarna e Ribas de Sil, culminaremos esta 1ª fase. A falla de colaboración da Xunta impídenos, polo de agora, levar a cabo o 100% do noso plan pero, a medida que vaiamos incorporando máis cantidades orzamentarias, iremos avanzando porque non renunciamos a el”.
Castroverde e Trabada
O organismo provincial inviste nas residencias e centros de día públicos de Castroverde e Trabada un total de 2,4 millóns de euros (1,2 millóns de euros para cada centro da 3ª idade) mentres que os Concellos achegan 400.000 euros (200.000 por municipio), así como os servizos urbanísticos e os terreos necesarios. Ambos os dous centros para maiores situaranse no centro destas localidade co obxectivo de, ademais de fomentar o benestar social, dinamizar a economía da zona.
As prazas residenciais e as dos centros de día distribuiranse segundo as necesidades dos veciños de Castroverde e Trabada. Para elo, cada centro contará con 24 habitacións con posibilidade de que sexan dobres. É dicir, as prazas residenciais poderían ascender ás 48 por municipio, sumando 96 entre os dous Concellos. De ser así, diminuirían as prazas nos centros de día. Non obstante, a Deputación definirá isto en función das demandas, tendo en conta que, segundo os expertos, hoxe son moitos os maiores que non queren abandonar as súas casas e prefiren ser atendidos nun centro durante o día para durmir nos seus fogares.
A construción destas residencias e centros de día públicos conleva, ademais, a creación duns 40 novos postos de emprego (uns 20 por centro), combatendo o despoboamento demográfico da zona. Por exemplo, os de coidadores sociais, médicos, ATS, así como administrativos, cociñeiros ou persoal de limpeza, é dicir, todo o persoal necesario para o funcionamento destas instalacións. Hai que ter en conta que, segundo as directrices da Lei de Servizos Sociais de Galicia, é obrigatorio contratar a un mínimo de coidadores por número de prazas, así como 1 médico e 1 ATS que presten atención ás 24 horas.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
