Lugo, 14 de xuño de 2013. O vicepresidente da Deputación de Lugo, o nacionalista Antonio Veiga, valorou esta mañá na rolda de prensa trala Xunta de Goberno o éxito que está a ter o Outlet do Libro Galego que se desenvolve no Museo de Lugo e que rematará o domingo. Grazas a esta oportunidade, os lucenses adquiriron até o de agora arredor de 3.000 libros galegos.
Antonio Veiga afirmou que “desde a vicepresidencia primeira da Deputación ofrecemos o noso apoio ao libro galego porque é parte fundamental das nosas industrias culturais, xa que se trata dun sector que emprega directamente a arredor de 300 persoas e supera o milleiro de postos de traballo contando as industrias auxiliares (maquetación, tradución, etc). Non obstante, a Xunta de Galiza está a executar unha política cultural prexudicial para o sector do libro. Por exemplo, para o mercado do libro de texto, a implantación do decreto de Plurilingüismo supuxo un durísimo golpe, reducindo a presenza dos materiais en galego na Educación Infantil e eliminándoos de vez das áreas de Matemáticas e Física e Química. Como tamén agudizaron as doenzas do sector os recortes brutais da Xunta de Galiza nas políticas de lectura, fose pola diminución ao longo da pasada lexislatura do 60% das compras de novidades en galego destinadas a bibliotecas públicas (en 2013 apenas medio millón de euros), como do 75% para as axudas á edición de materiais didácticos dirixidos ao sistema educativo non universitario (un cuarto de millón de euros este ano)”.
Veiga lembrou que “nun ano no que se cumpre o 150 aniversario da publicación de Cantares Gallegos de Rosalía, se cadra o fito editorial máis importante da historia do libro galego, trouxemos a Lugo esta oportunidade de facerse con libros galegos a prezos módicos. Por iso, convidamos á xente que aínda non se achegase ao Museo de Lugo ao Outlet do Libro galego a aproveitar esta ocasión xa que rematará este domingo”.
XXX Copa Deputación de Fútbol
Por outra banda, Antonio Veiga lembrou que este domingo dispútanse en Chantada as finais da XXX Copa Deputación de Lugo de Fútbol. O campo do Sangoñedo acollerá ás 17:30 horas a final feminina entre o Peluquería Mixta Friol e a SD. Milagrosa e ás 19:30 terá lugar a final das categorías 1ª e Preferente Autonómica, nunha final inédita entre o Ribadeo CF e o Taboada. A área de Deportes da Deputación mantén o mesmo orzamento que na pasada edición para organizar esta competición. Dos clubs deportivos participantes no trofeo, o campión e subcampión da categoría 1ª Autonómica e Preferente Autonómica, serán premiados con 5.000 e 4.000 euros, respectivamente. Ademais, cada equipo recibirá 450 euros por partido xogado. En 2ª e 3ª Autonómica, os premios alcanzarán os 4.000 e os 3.000 euros, e os clubs percibirán 385 euros por partido disputado. Na Copa feminina, os equipos campión e subcampión, recibirán 5.000 e 4.000 euros, respectivamente, así como 450 euros por partido xogado.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
