Santiago, 9 de xullo de 2013.- Integrantes da Xunta Directiva da Asociación de Veciños Cruz da Venta e Mulleres de San Ciprián foron recibidos na mañá do martes 9 de xullo pola conselleira de Sanidade, Rocío Mosquera, tras ser solicitada unha entrevista nas pasadas datas. Os representantes veciñais quixeron abordar coa titular do departamento autonómico de Sanidade a reorganización sanitaria no municipio cervense que supuxo a redución dun facultativo no centro de saúde de San Cibrao.
Rocío Mosquera agradeceu o interese manifestado por ambos colectivos veciñais, os únicos que solicitaron formalmente unha reunión coa conselleira e, polo tanto, valorou que demostraran un interese real por coñecer as circunstancias que levaron a reorganizar o cadro de persoal do Servizo Galego de Saúde no municipio.
Rocío Mosquera garantiu a continuidade en horario completo dos dous centros de saúde e a dotación actual do seu cadro de persoal e explicou que se eliminou o cuarto facultativo porque cando se creou esa praza en 2009 non se realizou ningún estudo poboacional, asistencial ou de necesidades que o xustificara. De feito, hoxe en día con tres facultativos Cervo está por debaixo da media de cartillas por médico (1.200 cartillas cando a media está de 1.500), é unha poboación pouco dispersa e o segundo concello menos envellecido da Mariña lucense.
Con todo, a conselleira adquiriu tres compromisos ante os representantes veciñais:
1º Que se vai facer un seguimento monitorizado das citas, tanto para consultas cos médicos de cabeceira, como para a atención do servizo de enfermería ou outras probas: de tal forma que se solucione de inmediato se se detecta algún tipo de irregularidade como as que tiveron lugar cando se daban citas con tres ou catro días de retraso pese a que existían ocos dispoñibles na axenda do día seguinte.
As asociacións comprometéronse a recibir posibles queixas que puideran existir sobre este asunto e trasladalas á Consellería para que, no seu caso, tome cartas no asunto.
2º Que se van a substituír con celeridade e eficacia as baixas que se poidan producir ao longo do ano nos centros de saúde, xa sexan por enfermidade, por vacacións, por outros permisos: no momento no que estea ausente un profesional sanitario iniciaranse os trámites para que un substituto cubra de inmediato esta praza.
3º O SERGAS garante que, se detecta en calquera momento que polo incremento de poboación, cartillas sanitarias, posibles demoras ou se hai un aumento estacionario das consultas –por exemplo no verán- tanto en consultas como en probas de enfermaría, reforzaría o servizo cun novo profesional sanitario durante o tempo que sexa preciso.
As asociacións agradeceron os compromisos expresados pola titular do departamento autonómico de Sanidade e comprometéronse a realizar un seguimento destes acordos, así como a colaborar coa Consellería comunicando calquera tipo de incidencia que detecten na calidade do servizo.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
