A Escola Municipal de Música e Danza de Ribadeo organiza a terceira edición do curso de jazz que se desenvolverá na vila entre o 25 e o 27 de xullo. José García, saxofón; Sergio Delgado, piano; Tito José Calviño, guitarra; e Juan Antonio Rodríguez, batería e percusión afrocubana; serán os encargados das clases do terceiro curso de improvisación. Pola súa banda, o sábado 27 de xullo Jorge Pardo ofrecerá unha masterclass na que desenvolverá temas ou conceptos coma as melodías, o ritmo, o modo frixio, cadencia española coma o blues en acorde dominante ou a imposición da linguaxe do intérprete á composición no jazz. Os interesados poden inscribirse ata o vindeiro domingo 21 de xullo na propia EMMeD ou por correo ordinario enviando o folleto de inscrición e achegando recibo de pago. O prezo do curso para os alumnos da Escola será de 60 euros, mentres que para o resto do alumnado será de 70. Pola súa banda, a masterclass custará 45 euros. Máis información en: rubn_solloso@yahoo.es ou no teléfono 677 734 084.
Curso de jazz e masterclass en Ribadeo
Relacionado
-
Evacuadas doce persoas dun tren detido no interior dun túnel debido a unha chapa na vía en Mañón
-
Dúas alumnas do IES de Foz, Marta Chao e Kiara Cabado, de segundo curso do Ciclo Medio de Cociña, participarán a vindeira semana no 25 Campionato Mundial de Pizza Picante en Calabria (Italia)
-
Mondoñedo celebrará o sábado 17 de outubro unha homenaxe a Xosé Vizoso no Auditorio Municipal Pascual Veiga
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
