Mondoñedo volverá á época medieval durante a fin de semana do 10 e o 11 de agosto da man do colectivo “Amigos do Mercado Medieval” e o propio Concello de Mondoñedo.
A cita xa se converteu en todo un referente do verán mindoniense, polo que dará comezo xa na noite do venres coa xuntanza das mesnadas, a visita a San Roque, Patrón das Mesnadas Mindonienses, e o rendemento das bandeiras ao bispo Ramiro II. Xa de madrugada realizarase a entrega dos poderes de auga, lume e terra ao Mago Merlín.
O sábado día 10 de agosto, día do turista, comezarán os actos ás once da mañá coa saída da comitiva formada polo Merino, Merina e Soldados do Mariscal Pardo de Cela cara á praza da Catedral. Despois da lectura do pregón, arredor das once e media, abrirase o mercado con demostracións e venda de produtos artesáns de olería, forxa, cantería, coiro. Este ano serán arredor de 180 os stands confirmados entre os que tamén haberá postos de venda de produtos da terra. E os espectáculos de rúa tamén incrementarán a súa presenza con personaxes caracterizados por toda a cidade, mostra de aves rapaces e pasarrúas que correrán a cargo de Pista Catro, Souto Xímaro, Airiños do Padornelo, Coplas de Cego e Mesnadas Mindonienses. O menciñeiro Buqueira Novo e Cabaleiro Medieval tamén ofrecerán as súas actuacións polos distintos espazos da feira, igual ca Kote Malabar na praza da Catedral. E tamén durante toda a mañá haberá degustación gratuíta de liscos, pan, viño e cervexa.
Xa pola tarde haberá xogos populares, ademais de repetirse os pasarrúas e actuacións desenvolvidas pola mañá. E a partir das nove do serán haberá cea medieval a base de polo asado, xamón, empanada, pan e viño por un prezo de 10 euros para a que se venderán tickets na Oficina de Turismo na praza da Catedral. Antes de medianoite comezará o concerto de “Os Festicultores” na praza do Concello organizado pola asociación cultural e xuvenil Xoldra.
Na xornada dominical, repetirase a programación do sábado incluíndo ademais a celebración dunha voda medieval polo rito mozárabe arredor da unha do mediodía. As actividades rematarán cunha exhibición de cetrería na praza da Catedral arredor das sete e media da tarde, antes da clausura da XXII edición do Mercado Medieval de Mondoñedo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
