RIBADEO (FNC) .- O alcalde de Ribadeo, Fernando Suárez, tilda de moi positivo que o Ministerio de Medio Ambiente saque a concurso a redacción do proxecto de recuperación da ruta do antigo tren mineiro entre a Vilavella e Ribadeo. As empresas poden presentar ofertas ata o vindeiro 6 de xuño. O presuposto para a redacción de dito proxecto é de 147.000 euros. O rexedor asegura que “podemos dicir que finalmente comenza a conta atrás para que este proxecto sexa unha realidade. Levámolo debatindo desde hai 20 anos en varios cumios interautonómicos, a Xunta de Galicia tivo dado mostras de levalo adiante, pero nunca se fixo. Por fin podemos dicir que o Ministerio de Medio Ambiente, Medio Rural e Mariño, saca a concurso a redacción do proxecto tal e como acordamos hai meses co responsable de Costas. É fundamental para os Concellos de Ribadeo e de Trabada e para poder unir outra vez a través de senda verde o que foi a ruta do tren mineiro entre Vilaodriz e Ribadeo. Alí sacóuse moito mineral de ferro e houbo unha vía de transporte de pasaxeiros e agora comenzamos a conta atrás para que sexa unha realidade”.
Suárez Barcia explicou que “está en período de presentación de ofertas a redacción do proxecto para a recuperación do antiga ruta do tren mineiro entre a Vilavella eTrabada. O prazo está aberto ata o 6 de xuño e a redacción de dito proxecto ten un presuposto de 147.000 euros. Hai que ter en conta a envergadura deste proxecto, xa que afecta a dous concellos, xa que seguramente haberá que expropiar terreos para poder dar unidade a toda a vía e penso que desde agora, desde que se licita o proxecto, ata que se adxudique e que se liciten posteriormente as obras van pasar meses”.
O alcalde insiste en que “é a conta atrás e este gran proxecto turístico, medio ambiental, de descubrir a ría de Ribadeo por diferentes puntos que habitualmente a xente non está afeita a vela e que por esta mesma vía verde que se adentra polo río Eo arriba poderá permitir que xente de Ribadeo poida ir andando a Trabada por sitios magníficos e maravillosos ou en bicicleta sen prácticamente desniveis. E é un proxecto que traerá riqueza desde o punto de vista turístico e que lle vai vir moi ben a toda esta oferta hoteleira e hosteleira que temos no noso concello, e que tamén beneficiará a Trabada, San Tirso ou A Ponteno
ÚLTIMA HORA
- Ribadeo será escenario do 22 ao 27 de xuño do Campus de Tecnificación Breogán The Basket Dream
- O BNG destaca en Riotorto o valor do rural e o traballo dos ferreiros
- Lourenzá mantén viva a tradición do Maio cun desfile e a Festa Campesiña o 1 de maio
- A Xunta destaca Riotorto como epicentro da artesanía do ferro
- A deputada de Cultura, Iria Castro, asistiu este domingo á Feira da Artesanía do Ferro de Riotorto, organizada pola Asociación para a Promoción Social dos Ferreiros. Participou no acto inaugural, con pregón do actor Luis Besteiro, e visitou as demostracións dos ferreiros locais e doutros puntos de Galicia e España
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”. - O vicepresidente da Deputación Efrén Castro achegouse este domingo á Camovi de Viveiro, que reuniu un milleiro de corredoras e corredores nas diferentes probas que se celebraron durante a fin de semana -C42K, C21K,C10K, C42K RELEVOS, Camovi KIDS e unha andaina-
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular" - O Centiño enche Marzán cunha nova representación de “O Autobús”
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada - O Deputado de Medio Ambiente, Carlos López, participou este sábado xunto ao Alcalde de Negueira de Muñiz, José Manuel Braña, nos actos da XVI edición da Festa do Viño, que reuniu a centos de persoas neste municipio e que se consolida como referente do calendario enolóxico da provincia
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación. - O Festival da Ostra de Castropol 2026 celebrarase do 30 de abril ao 3 de maio
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba. - A subdelegada do Goberno en Lugo, Olimpia López, asistiu este mércores en Vilalba á saída da segunda etapa de O Gran Camiño 2026, que conectou a Terra Chá coa Mariña lucense
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados. - O vindeiro mes de maio celebrarase no concello de El Franco a primeira Feira de Xardinería do Occidente, un evento pioneiro en Asturias que porá o broche final a un mes cheo de actividades
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
2021 Crónica 3 A Mariña - Implementado por GaliciaDigital