Burela, 2 de agosto de 2013. Os Concellos de Burela, Cervo e Xove compartirán un obradoiro de emprego concedido pola Xunta de Galicia co que se formarán 22 desempregados. Así o explicou este venres o alcalde burelao, José María González Barcia, quen prevé que se poña en marcha en outono.
“No día de hoxe foi anunciada aquí, en Burela, a concesión dun obradoiro de emprego por parte da Xunta de Galicia, a través da Consellería de Traballo e Benestar Social, para os Concellos de Cervo, Xove e Burela. Este obradoiro de emprego chámase Mares de Burela-Cervo-Xove e vai posibilitar a formación de 22 persoas desempregadas”, manifestou González Barcia.
Para o Concello de Burela “a concesión dun novo obradoiro é motivo de satisfacción por dúas cuestións fundamentais: continuamos coa nosa liña de formación de persoas que están desempregadas para facilitarlles a súa inserción laboral e ademais demostra que a liña de actuación que temos iniciada os Concellos de cara a poder solicitar axudas e subvencións á Xunta de Galicia de forma conxunta para unificar esforzos e o traballo que se está facendo de cara ós cidadáns comeza a dar os seus froitos”.
O alcalde lembrou que o Concello de Burela ten “sobrada experiencia en materia de colaboración e de traballo en conxunto con outros concellos, como por exemplo o caso do consorcio de auga Cervo-Burela-Xunta de Galicia, que permite o abastecemento de auga ós dous concellos e que leva funcionando desde o ano 2005. Por outro lado, recentemente os tres Concellos (Xove, Cervo e Burela) tamén solicitamos e conseguimos unha subvención do INEGA para a mellora do alumeado público. Polo tanto eu creo que estamos na liña correcta e nese sentido vamos continuar traballando. Creo que é bo unificar criterios á hora de traballar conxuntamente, é bo sumar esforzos e ter os mesmos obxectivos porque, en definitiva, somos tres Concellos, que poderían ser outros en calquera outro caso, que estamos atendendo a unha poboación moi similar en canto a segmentos de idade. Tendo en conta a situación económica que estamos vivindo loxicamente temos que procurar sacar o maior rendemento posible ós investimentos que se realizan e tamén ós traballos e ós esforzos que se fan desde os distintos Concellos”.
José María González Barcia prevé que “o obradoiro de emprego probablemente non empezará ata o outono, pero evidentemente nosoutros en canto teñamos xa a resolución da propia Consellería de que está concedido loxicamente empezaremos a traballar para poñelo en marcha dentro dos prazos que a Xunta de Galicia nos indique”.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
