Burela, 31 de agosto de 2013. A Concellería de Servizios Sociais presentará o vindeiro martes, 3 de setembro, ás 11 da mañá e ás 18 horas na Casa da Cultura o programa da Aula Junior para o curso 2013/14, destinado a familias con nenas e nenos de 0 a 3 anos.
O departamento que dirixe Diana Durán envioulles aos pais e nais nos últimos días unha carta convidándoos a asistir a este acto e na que lembra que “dito espazo educativo foi posto en marcha a principios do presente ano, co fin de seguir dando cobertura ás familias de nenos e nenas, cumprindo co compromiso deste goberno local, que prioriza en todo momento os Servizos Sociais en todos os seus ámbitos”.
Aula Junior é un programa de carácter gratuíto, dirixido ás familias que teñen nenos e nenas de idades comprendidas entre os 0 e os 3 anos, “querendo así acompañarvos na vosa labor de educadores/as e axudarvos a resolver calquera dúbida que se vos presente na crianza dos/as vosos/as fillos e fillas”.
Na carta enviada ás nais e pais a concelleira de Servizos Sociais explica que “tanto se o voso fillo ou filla asisten á escola infantil como se non, podedes participar, xa que é un programa de formación de nais e pais. Ademais, este ano, como o curso anterior, caracterízase por ser un programa semanal (mañá ou tarde) e nestas reunións a vosa presenza é vital, desenvolvendo actividades axeitadas a cada idade, nas que o obxectivo é difundir unha cultura da infancia e reforzar a competencia educativa familiar, promovendo espazos educativos nos que se acompaña á familia na aventura de medrar e no desafía de educar. Aula Junior terá continuidade durante todo o curso 2013/2014, agás na época estival, é dicir, levarase a cabo dende setembro a maio”.
A presentación da Aula Junior terá lugar o vindeiro martes, 3 de setembro. Durán subliña que “xa alí, na Casa da Cultura, os interesados poderán facer entrega ese mesmo día da folla de inscrición que aparece no reverso da carta que lles remitimos estes días. En caso de non poder asistir a ningunha das reunións e de estar interesado/a en participar no programa, poden deixar a folla de inscrición nas Oficinas de Información do Concello”.
A edil popular lembrou a grande participación que rexistrou o ano pasado a Aula Junior á que acudiron 70 familias.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
