A Deputada de Economía, Recadación e Facenda, Pilar García Porto, presentou este martes os resultados de diagnose do programa Reacciona coas Tics. Trátase dun programa de asesoramento en novas tecnoloxías incluído no InnovaTE da Deputación, que é pioneiro en Galicia por inclúir o estudo individualizado das necesidades das empresas inscritas, a implantación das ferramentas informáticas oportunas e a formación precisa para mellorar o uso das TICs.
Pilar García Porto salientou que esta iniciativa, se financia con fondos europeos nun 80% e aforra uns 217.000 euros ás empresas acollidas ó plan, nunha clara aposta da institución provincial por apoiar as pequenas e medianas empresas e autónomos lucenses como entidades xeradoras de emprego e riqueza. A Deputada remarcou que o programa pretende que as PEMES e autónomos da provincia aproveiten as grandes posibilidades que as novas tecnoloxías supoñen para potenciar o seu negocio, ser más competitivas, mellorar a produtividade, reducir custes e xerar emprego.
As empresas que se apuntaron a este programa contan xa cunha análise individualizada das súas necesidades, rematando así a primeira fase do programa. Na xornada deste martes déronse a coñecer os resultados destes estudos pormenorizados que apuntan as principais carencias detectadas nas empresas. Un 43% carece de web propia, o 78% non conta cunha web orientada ó comercio electrónico, o 76% non emprega sistemas avanzados de xestión de clientes, e un 43% das empresas non dispón de certificado dixital, ente outros aspectos.
Instalación de software e formación dos traballadores
Nunha segunda fase acometerase a instalación das ferramentas necesarias e a formación dos traballadores para tirarlle o máximo partido ás novas tecnoloxías. Nos vindeiros meses se acometerá a implantación de solucións informáticas nas propias empresas e celebraranse 18 obradoiros que complementen a formación dos participantes e aseguren o máximo rendemento destas novas ferramentas instaladas. Entre os talleres previstos, segundo as necesidades detectadas, se atopa a formación sobre marketing e redes sociais; o xeoposicionamento, o xeomarketing e os códigos QR; a fidelización de clientes con boletíns electrónicos de MailChimp; o aproveitamento da Web ou Blog empresarial; as opcións de Google Docs e outras ferramentas corporativas; e solucións varias para o almacenamento en nube, Dropbox, Google Drive.
Punset e o uso das TICs como exemplo
Como parte do programa e para animar con exemplos ás empresas que participan, a xornada incluíu tamén o testemuño dunha entidade que acadou o seu éxito grazas a aplicacións tecnolóxicas e que pretende servir de exemplo e inspiración para as firmas que participan no programa da Deputación. AMSLab é unha empresa lucense vinculada á biotecnoloxía que se dedica ó aseguramento da calidade, seguridade e cumprimento normativo dunha ampla gama de productos.
Non será o único testemuño que se escoite dentro desta iniciativa da Deputación, nunha terceira fase do programa celebraranse outras tres xornadas formativas sobre empresa e novas tecnoloxías nas que intervirán persoeiros de renome mundial: Eduard Punset, Emilio Duró e Fernando Trias de Bes.
Perfil das empresas participantes
En canto ó perfil das empresas participantes no proxecto da Deputación, o 82% ten menos de 10 empregados. Os sectores maioritarios son servizos cun 37,3% e Comercio cun 26%, seguidos por industria cun 13% e turismo un 8%. Complétanse as cifras co 6% de industria agroalimentaria e pesqueira, ou os 0,7% de arte e interiorismo, asesoría e transporte de mercadorías.
As empresas acollidas a este programa distribúense por toda provincia polo que a xornada de traballo de hoxe repetirase mañá en Monforte reunindo alí ás 33 empresas da zona Sur e en Viveiro pasado mañá, para a que están convocadas as empresas da zona norte, unhas 36. As xornadas desenvolveranse en horario de 17:00 a 20:00 horas.
O plan da Deputación, financiado nun 80% por fondos europeos, pretende mellorar a competitividade das empresas lucenses a través do uso das novas tecnoloxías, buscando novas oportunidades de negocio a través da factura electrónica, comercio electrónico, mellora do posicionamento web, publicidade e marketing a través da Rede, banca electrónica, ferramentas de contabilidade e xestión de clientes e antivirus. Todas as aplicacións que se instalarán nas empresas participantes son de software libre, polo que non terán que pagar nada para a súa utilización e mantemento unha vez rematado o programa.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
