Foz, 26 de setembro de 2013. A Asociación de Comerciantes, Industriais e Autónomos de Foz organiza varias actividades culturais e gastronómicas ao longo das vindeiras semanas. A máis novidosa é a visita con guía turística e autobús de ida e volta desde Foz á Catedral de San Martiño. Todas aquelas persoas que realicen as súas compras durante os próximos días nos establecementos asociados obterán tickets gratuítos para participar nesta viaxe que terá lugar os días 12 de outubro, 2 de novembro e 7 de decembro. Segundo explica o presidente de ACIA Foz, José Carlos Paleo, “a saída farase ás 11:30 da mañá desde a praia da Rapadoira, pasando ás 11:40 polas inmediacións da Casa do Concello. A volta desta interesante viaxe promocionar o noso patrimonio cultural será ás 13 horas”.
Paleo sinala que “o que queremos é ir un pouco máis alá nas propostas que desde a Asociación de Comerciantes facemos ao longo do ano potenciando e rentabilizando os recursos propios do noso concello. De aí que aproveitemos as vindeiras pontes festivas para que aqueles que nos visitan poidan achegarse a disfrutar do noso rico patrimonio cultural, como é neste caso a Catedral de San Martiño”. A iniciativa de ACIA Foz podería realizarse tamén durante o vindeiro verán coa colaboración do Concello.
O alcalde de Foz, Javier Castiñeira, felicitou a ACIA por esta iniciativa: “a verdade é que este colectivo nos ten sorprendido pola multitude de campañas e pola actividade que desenvolven co obxectivo de promocionar o comercio e a hostalería e tamén o noso concello. Proba diso é esta campaña na que se oferta a todos os que consuman produtos dos locais asociados unha visita guiada á Basílica de San Martiño”. O rexedor dixo que “é moi interesante esta nova promoción. A ACIA o que tenta é motivar á xente para que coñeza o noso concello, temos aí unha xoia do prerrománico que necesita máis proxección da que ten e desde o Concello asumimos tamén a nosa responsabilidade”. E subliñou que “é un bo momento para promocionar esta xoia de Foz e da Mariña”.
O alcalde de Foz e o presidente da Asociación de Comerciantes presentaron este mediodía no salón de plenos do Concello esta actividade.
Festa do mexillón
Durante a ponte de outubro os días 11 e 12 celebrarase en preto dunha trintena de locais hostaleiros de Foz a Festa do Mexillón. José Carlos Paleo manifesta que “estamos traballando en varias citas gastronómicas e a primeira que imos facer coincidindo coa ponte festiva do Pilar é a festa do mexillón”. Os mesóns, bares e restaurantes participantes servirán tapas elaboradas con este bivalvo ao prezo dun euro.
Os establecementos son: A Funcional, A Maseira, A Rula, A Viña, A Bolera, Acuario, Oíche, Llas, Dallas, Express, May-Ros, Xoima, Anduriña, Casa da Roxa, Fina, Portovello, O Norte, Leyton, O Tangarte, O Tangarte Mariñeiro, pizzería Xoiña, As Brasas, Costumes do Mar, Dandy, O Lar e O Mar.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
