Ribadeo, 3 outubro de 2013. A Escola Municipal de Música e Danza (EMMeD) de Ribadeo inicia este curso 2013/2014 con máis de 290 alumnos e alumnas matriculados con idades comprendidas entre 4 e 70 anos, unha cifra que se sitúa lixeiramente por riba da matrícula do curso anterior. O claustro docente da EMMeD de Ribadeo estará formado por 14 profesores e profesoras, un por cada unha das disciplinas que oferta o centro, o que garante que o alumnado disporá dunha “atención especializada en cada un dos instrumentos ou das materias que imparte a Escola”.
Hugo García Presno, director da EMMeD de Ribadeo, amosou a súa “satisfacción polo alto número de persoas matriculadas, o que demostra que o traballo que se está facendo dende a Escola estase percibindo como positivo por parte do alumnado que repite e mesmo anima a novas alumnas e alumnos a formar parte do centro”. Boa proba do traballo que se está facendo na Escola e do nivel formativo co que saen os alumnos e alumnas é que este ano 10 mozos e mozas que formaron ou forman parte da EMMeD de Ribadeo realizarán os seus estudos no conservatorio. No caso de danza, trátase da primeira alumna que inicia estes estudos nun conservatorio profesional.
A EMMeD de Ribadeo comeza este curso dun xeito moi especial pois conmemora o 20 aniversario dende a súa posta en marcha. “Alén dos festivais de Santa Cecilia, Nadal ou fin de curso, os concertos didácticos, a charanga, etc, queremos ir realizando actividades puntuais, que se irán dando a coñecer nos próximos meses, que deixen constancia do aniversario da Escola e que lembren que se chegamos a onde estamos non foi dende a nada senón que é froito dun proxecto cuxas bases creou Hernán Naval e que hoxe tentamos manter”, sinala Hugo García.
“Sen dúbida a mellor homenaxe que podemos facer a estes 20 anos é seguir mantendo o proxecto, artellar un centro vivo no que se fomente unha educación transversal, no que as alumnas e alumnos non só aprendan conceptos musicais teóricos senón que podan amosalos enriba do escenario, compartir experiencias con outras escolas, participar en actividades que vaian máis aló da música que axuden a integrar a igualdade, a solidariedade ou o traballo en común no día a día da EMMeD”, engade o director da Escola Municipal de Música e Danza de Ribadeo.
Hugo García agradeceu “o apoio tanto do claustro da Escola como da delegación de Cultura do Concello de Ribadeo. É clave o apoio institucional, sobre todo en momentos de incertidume económica, para poder tirar adiante o proxecto da Escola e a súa actividade e tamén é moi importante contar cun corpo de profesores que crean no proxecto e que teñan vontade de levalo a cabo”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
