A Xunta de Goberno aprobou este venres a programación dun novo plan de emprego para 1.000 lucenses en paro, que potencia os servizos de benestar social. O voceiro provincial socialista, Manuel Martínez, adiantou que se trata do Segundo Pacto Provincial polo Emprego, que conta cun orzamento total de 4,1 millóns de euros, cofinanciados nun 80% polo Fondo Social Europeo. Martínez explicou que “incrementamos o presuposto previsto para esta iniciativa, que estaba dotada de 3,5 millóns de euros, logo de que a Unión Europea premiase a xestión da Deputación, concedéndonos un novo orzamento de 600.000 euros”.
O novo plan de emprego da institución inclúe 67 cursos formativos, con prácticas remuneradas en empresas da provincia, do que se poderán beneficiar 1.000 lucenses desempregados co obxectivo de contribuír a súa inserción laboral.
Todas as accións formativas versan sobre os servizos necesarios para a atención a domicilio a persoas dependentes, potenciando o benestar social. “É un dos sectores que os expertos do Lugo Reacciona recomenda impulsar para combater o despoboamento demográfico”, subliñou o voceiro.
Os contidos dos cursos son: 38 sobre atención sociasanitaria a persoas dependentes no domicilio; 3 sobre transporte sanitario; 6 sobre limpeza e hixiene de superficies e mobiliario; 11 sobre operacións básicas de cociña; e 9 sobre asesoramento na función xerencial e no autoemprego para a creación de empresas.
“En definitiva, con estas accións formativas, fomentamos os empregos brancos, un dos nichos de traballo na provincia detectados polos expertos, para, non só loitar contra o paro, senón potenciar os servizos sociais ante o ataque da dereita de Feijóo e Rajoy”, remarcou Martínez.
Prazos e resultados
Aprobada a programación, a Deputación concretará as empresas onde se realizarán as prácticas e os lugares de celebración dos cursos, que se levarán por toda a provincia, como coa anterior programación. A previsión é poñer en marcha esta nova iniciativa a finais de ano ou comezos do 2014. A institución informará, puntualmente, dos vindeiros prazos de solicitude. A Deputación xa celebrou un primeiro Pacto Provincial polo Emprego, co que se formaron, de xeito totalmente gratuíto e nas profesións con máis futuro e Lugo, 700 lucenses en paro, acadando unha inserción laboral do 50%.
Satelíz@te
A sesión resolveu as axudas do Satelíz@te, sendo 432 os veciños, asociacións e PEMES do rural lugués ós que a Deputación dotará gratis de Internet vía satélite. Logo de ofrecer esta iniciativa a cidadáns de todos os Concellos, os beneficiados resultaron ser de 49 municipios, residentes en zonas de sombra, requisito do plan. Martínez explicou que estas zonas son as que non teñen cobertura “debido ó abandono da Xunta”, administración responsable en Galicia do acceso á Rede. Hai que ter en conta que Lugo é a provincia galega co maior número de zonas de sombras. Segundo datos oficiais da Axencia para a Modernización Tecnolóxica da Xunta de Galicia, o 58% dos lucenses teñen dificultades para acceder á Internet, fronte ó 32% dos coruñeses, o 29% dos ourensáns e o 2% dos pontevedreses.
O Satelíz@te ofrece unha velocidade dun mínima de 2 megas, mentres que o máximo dependerá do tipo de contrato que o usuario formalice coas empresas colaboradoras, aínda que poderá chegar ós 20 megas. A instalación deste servizo non terá custe algún. A Deputación asume con 216.000 euros de fondos propios a dotación do equipamento preciso para a conexión á rede de banda longa, concedendo ós beneficiados axudas de 500 euros.
Posteriormente, os cidadáns deberán asumir o mantemento deste servizo. Non obstante, a Deputación garántelles tarifas vantaxosas, ó pactar os prezos polo subministro coas operadoras de telecomunicacións.
Resoltas as axudas, a Deputación iniciará os traballos de instalación de antenas e dotación de equipamento nos vindeiros días.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
Os senadores do PP por Lugo, José Manuel Barreiro, José Manuel Balseiro e Juan Serrano, xunto co portavoz de Interior do Grupo Parlamentario Popular no Senado, Luis Santamaría, mantiveron unha reunión no Senado con representantes da Asociación Española de Gardias Civís na provincia de Lugo, que lles trasladaron as principais reivindicacións do colectivo e analizaron os problemas e necesidades que afectan á Garda Civil na provincia.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
