Tras revisar a cada día máis apertada axenda de rutas e quedadas, na sección do E.D.Lourenza Ciclismo decidiron celebrar a “IV Ruta BTT Rei Cintolo ” o próximo domingo, 3 de novembro.
A edición deste ano percorrerá pistas e sendeiros por unha das zonas máis bonitas dos nosos bosques. Un percorrido moi completo cunha forte suba, unha baixada espectacular e unha zona de sendeiros por preciosas paraxes (parque da Fraga Vella).
O prazo de inscrición rematan este mércores 30 de outubro rexistrándose xa máis de 100 inscritos en http://www.championchipnorte.com/evento/detalle/page/3/id/39/iv-rota-btt-rei-cintolo.
Premios
Haberá trofeos para o ciclista de menor e maior idade, o de máis lonxe e para o club máis numeroso. E os tres primeiros que percorran a ruta en menos tempo, terán uns obsequios donados polos patrocinadores.
Nestes últimos días de preparativos, agradecen “o patrocinio de Frutas Hnos Rivas que nos agasallará a degustar as súas froitas nos avitullamientos e a colaboración de Protección Civil de Mondoñedo que prestan os seus servizos. Pero tamén queremos agradecer ao resto dos patrocinadores, que desde un primeiro momento nos tiveron apoiando na IV Rota BTT Rei Cintolo: Aluminios Basanta, O Porriño, Giordana, Rudy Project, Santalla Motor, Pilla Bikes, Caixa Rural, Peixes e Mariscos Mondoñedo, Coca cola e Cerezo Bike, así como a colaboración prestada polos Concellos de Lourenzá e de Mondoñedo”.
Terra de Cambre
Noutra orde de asuntos, a sección de ciclismo das E.D. Lourenzá sigue competindo case todas as fins de semana. A pasada semana estiveron no Roteiro de Cambre “Terra das Mariñas” onde participaron Moncho, Longarela, Isabel e Javier Peixe onde destacou a fenomenal actuación destes catro integrantes entrando entre os 50 primeiros da xeral, sendo o máis destacado Javier no posto 9º.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
