O Presidente da Deputación, José Ramón Gómez Besteiro, xunto ó Deputado de Cooperación e Asistencia ós Concellos, Álvaro Santos Ramos, avanzou este xoves a sexta liña anual de creación de emprego directo e de calidade que pon en marcha a institución na provincia. Tratase dun novo plan que permitirá a contratación, a través dos Concellos, de 80 persoas no paro. Está dotado de 2 millóns de euros, financiados ó 100% polo organismo provincial.
O Plan pretende mellorar os servizos públicos nos municipios con menor capacidade económica, “garantindo a igualdade de oportunidades na provincia”, e crear emprego nos Concellos con menos de 5.000 habitantes, “nos que, se cabe, a permanencia da poboación aínda é máis importante”, destacou Gómez Besteiro.
As tarefas que levarán a cabo os traballadores contratados consistirán na mellora de servizos públicos: como obras no medio rural, traballos no medio ambiente, intervencións en espazos públicos e naturais, medidas preventivas en defensa do medio ambiente… “é dicir, atender as necesidades imprescindibles para o benestar dos veciños dos Concellos con menos de 5.000 habitantes”, remarcou o Presidente.
A diferenza dos obradoiros de emprego doutras administracións, nos que as persoas están empregadas 6 meses, no caso da Deputación de Lugo serán 15 meses. Para que os Concellos non teñan que facer fronte ó pagos das nóminas sen a partida presupostaria correspondente, “coñecedores do estado das arcas municipais”, a Deputación de Lugo adiantaralles o 90% do total antes de que realicen a contratación do persoal.
Prazos e criterios
Santos Ramos adiantou que este mesmo luns, aprobarase esta sexta nova liña de creación de emprego na Xunta de Goberno, a mesma semana sairá no BOP e, a partir de entón, os municipios terán un prazo de 15 días hábiles para solicitala. Os criterios obxectivos de adxudicación da axuda para os Concellos son 3: taxa de paro, superficie de rede natura e superficie forestal. Para determinar o número de traballadores que lle corresponde a cada municipio, o único factor obxectivo será o número de habitantes: un máximo de 11 traballadores para municipios de ata 5.000 habitantes, e un mínimo de 4 para os de menos de 500 habitantes. A Deputación confiará o proceso de selección de persoal ós propios Concellos e asumirá os custes salariais, é dicir, as retribucións e a seguridade social. A retribución mensual dos peóns superará os 1.000 euros.
23% máis de paro
Os datos do INEM revelan que o paro aumentou na provincia nun 23% desde o cambio de goberno na Xunta de Galicia, no ano 2009. Na actualidade, hai 25.847 lugueses no paro. No 2009, había 19.871. O titular provincial subliñou que “esta dramática situación non está a ter a resposta política que debería desde a administración que ten transferidas as competencias e emprego: a Xunta de Galicia. O goberno de Núñez Feijóo recortou as políticas de promoción de emprego en máis de 200 millóns de euros nos últimos cinco anos, ademais do recorte en gasto social noutros 4.000 millóns de euros no mesmo período”. Gómez Besteiro fixo “un novo chamamento á Xunta de Galicia para que afronte o primeiro problema dos galegos: o paro. Un problema no que tamén desde esta administración queremos contribuír a solucionar”.
Liñas de emprego para 2.180 lucenses no paro
Neste senso, o Presidente destacou que a Deputación de Lugo ten abertas hoxe outras 5 liñas de creación de emprego directo:
1.- A inserción laboral de 1.000 persoas nas profesións con máis futuro dentro do benestar social. “É formación remunerada en toda a provincia grazas a que a Unión Europea nos volveu premiar co segundo Pacto Provincial polo Emprego”. 4,1 millóns de euros, cofinanciados nun 80%.
2.- A inserción laboral de 50 persoas en paro que se convertirán en especialistas en innovación e que darán asesoramento a 300 autónomos e PEMES da provincia. Un programa de dinamización do tecido produtivo, dotado con 3 millóns de euros grazas ó convenio coa Escola de Organización Industrial”.
3.- A inserción laboral de 900 lucenses no sector da gandeiría, agricultura ecolóxica e forestal, co Fórmate en Verde, dotado de 1 millón de euros.
4.- A inserción laboral de 70 mozos lugueses en paro grazas ás bolsas de formación Leonardo da Vinci, dotadas de 300.000 euros. Esta mesma semana, tiveron lugar as probas de coñecementos para a selección.
5.- A contratación de 80 traballadores para os Grupos de Emerxencia Supramunicipal (GES), para os que a Deputación achega 300.000 euros.
En total, 2.180 lucenses no paro benefícianse das 6 liñas de creación de emprego anuais da Deputación.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
