Lourenzá (Lugo), 2 de novembro de 2013. O conselleiro de Cultura, Educación e Ordenación Universitaria, Xesús Vázquez Abad, inaugurou hoxe a exposición ‘Fernández del Riego, cos ollos do espírito. Centenario do nacemento 1013-2013’, que estará aberta ata o vindeiro día 15 nas dependencias do concello lucense de Vilanova de Lourenzá.
Vázquez Abad destacou que “na conmemoración do centenario dun dos máis insignes galeguistas históricos, como é Francisco Fernández del Riego, creo que debemos amosar unha manifestación clara de continuidade respecto da súa obra, e da obra de todas as grandes figuras que, coma el, estruturaron a proxección de Galicia, afirmaron a súa base e deseñaron empresas que nos converteron nun país do tempo presente, capaz de dialogar con calquera cultura en paz, na integración e na igualdade”.
Así o conselleiro resaltou que “na Consellería de Cultura e Educación, como parte do goberno de Galicia, sentímonos debedores dese extraordinario legado, que medrou durante unha centuria coa teimosía creadora e a súa paciencia” e engadiu que “buscamos o cumprimento satisfactorio desta pasaxe: a que nos leva á confianza colectiva e ao desenvolvemento da nosa potencia de construción, xurdida da vontade integradora e da aceptación de que en cada rostro hai algo marabilloso para o conxunto da comunidade”.
Tras a intervención de Vázquez Abad desenvolveuse unha charla coloquio, no propio salón de actos da sala do concello, sobre a figura do escritor na que se darán a coñecer distintas facetas de Ferández del Riego, desde a humana, familiar, literaria e académica. Un coloquio no que participaran, entre outros, o laurentino Manuel Román Ramos, coautor de libro sobre o homenaxeado e Francisco Domínguez, director da Fundación Penzol.
O contido da exposición
A mostra ‘Fernández del Riego, cos ollos do espírito. Centenario do nacemento 1013-2013’, desenvolvida pola Fundación Penzol conta o apoio e respaldo da Consellería de Cultura e Educación permitirá aos visitantes acceder a materiais singulares: documentos fundacionais de Galaxia, cartas con diversos autores, o mecanoscrito da referencial ‘Historia de la literatura gallega’ (asinado, por certo, en 1947, aínda que a obra non vería luz ata 1951), numerosas instantáneas do laurentino con diversa xente de letras e, por suposto, un outro vídeo documental que completa a información dos varios paneis.
A exposición, que poderá ser visitada ata mediados de mes en Lourenzá unha vez que xa estivo aberta en Vigo e Santiago de Compostela, esta comisariada por María Dolores Cabrera Iglesias e María Dolores Villanueva Gesteira e coordinada por Xosé Manuel Soutullo coa axuda de Mercedes Rosón.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
