Burela, 9 de novembro de 2013. O barco museo Reina del Carmen atópase no varadero de asteleiros Armón desde este venres pola tarde para ser sometido ás labores habituais de mantemento.
Segundo explican desde o equipo de goberno “trátase de traballos que xa estaban previstos desde a última vez que subiu ao varadero, pero planificáronse coa dirección do asteleiro a finais do pasado verán. Estamos a falar de labores de mantemento e reposición, si fose necesario, no casco do buque para deixalo no mellor estado posible”.
A última vez que o Reina del Carmen subiu ao varadero foi en outubro de 2011. Desde o equipo de goberno sinalan que “o estado do casco do barco é aceptable tendo en conta que xa ten os seus anos. A obra viva, é decir a zona que está en contacto coa auga, está mellor que a obra morta, que é a parte que se atopa fora da auga. O casco está máis desgastado na parte que toca co peirao, debido ao movemento continuo e ao traballo do mar”.
Nos vindeiros días no barco museo de Burela “acometeranse traballos de limpeza do casco e reposición daquelas zonas que poidan estar danadas e que aparentemente son dúas ou tres. É algo que xa coñeciamos, porque xa ocorreu nas anteriores revisións. A estancia no varadero dependerá da duración destes traballos e tamén da carga de traballo do asteleiro. Noutras ocasións ese período de tempo non superou a semana”.
O equipo de goberno lembra que “nas últimas semanas xa estivemos a acometer labores de mantemento na ponte do Reina del Carmen e queda por rematar o acondicionamento da cuberta, algo que se retrasou por culpa da chuvia dos últimos días.”.
O alcalde, José Mª González Barcia, agradece “a colaboración que asteleiros Armón ten co Concello de Burela neste tema e noutros moitos máis, así coma ao resto das empresas que tamén nos axudan para que o barco museo Reina del Carmen estea nas mellores condicións posibles”. O rexedor visitará a vindeira semana o varadero e supervisará os traballos que se realicen no buque.
Desde o equipo de goberno engaden que “estamos a cumplir coas labores de mantemento que o Concello ten programadas para o Reina del Carmen e que nunca se deixaron de lado”.
Foz será o protagonista do programa Voces de Lugo, de RadioVoz, que se emitirá en directo de 12 a 14 horas desde a cafetería Marexada para toda a provincia. Félix Jorquera charlará co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fará un balance do verán, analizará os proxectos para os vindeiros meses e tamén o momento polo que atravesa o deporte local.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
