Viveiro, 1 de decembro de 2013.- A directora de Turismo de Galicia, Nava Castro Domínguez, foi galardoada este domingo en Viveiro coa Medalla do Colexio Oficial de Xoiaría e Gremios Provinciais durante a Gala da Xoiería Galega 2013 que se celebrou na vila mariñá con motivo da festividade de San Eloi.
O acto contou coa presenza da directora xeral de Comercio, Sol María Vázquez; da xerente da Fundación Centro Galego da Artesanía e do Deseño, Elena Fabeiro; da delegada territorial da Xunta de Galicia en Lugo, Raquel Arias; do subdelegado do Goberno en Lugo, Ramón Carballo; do vicepresidenta da Deputación provincial, Lara Méndez e mais da tenente de alcalde de Viveiro, María Loureiro.
O presidente do Colexio, Óscar Rodríguez Blanco, explicou que a concesión deste galardón para a directora de Turismo de Galicia ten por obxectivo “réndenlle unha merecida homenaxe mediante a entrega da medalla do colexio en recoñecemento ao seu decidido apoio e sensibilidade coa xoiaría de Galicia”.
Ademais, no marco da gala entregáronse os premios aos finalistas do II Concurso de Deseño San Eloi no que a Segueta de Ouro foi para Orenjoya S.A. de Ourense e as catro Seguetas de Prata distinguiron aos xoieiros Rafael Granados Guillén, da Coruña; Manuel Lameiro Prol, de Vigo; Jorge Cortiñas Castro, de Padrón; e Antonio Frade Lombardero, de Santiago de Compostela.
Ademais entregáronse diplomas para os dez finalistas do concurso que foron Alberta Lorenzo Aspres, Alejandro Calvo Filgueira, Ana Miguéns Bouzón, Daniel González Abalde, Kinga Haudek; Marta García Arcos, Martín González Villanueva, Miguel Blanco López, Raúl Diniz Da Silva Filho e mais Sonia María Vizcaíno Ínsua.
Na súa intervención tras recoller a medalla do Colexio de Xoiaría, a directora de Turismo de Galicia felicitou aos galardoados e resaltou que “eles son a mostra de que en Galicia as cousas se fan ben, de que existe materia prima de primeira calidade pero tamén grandísimos profesionais que saben utilizar as mellores técnicas e ferramentas para poñela en valor”.
De igual modo, Nava Catro resaltou o traballo de representación e intermediación do Colexio de Xoiaría así como “o seu papel de velar polos intereses dos consumidores ao tempo que proxecta a profesión na sociedade”. Tamén resaltou a súa tarefa informativa e formativa e a posta en marcha de actividades como o Concurso Escolar San Eloi ou o concurso de deseño ‘Deseña unha xoia para túa nai’.
A directora de Turismo explicou que dende a súa actual posición á fronte de Turismo de Galicia ten “unha nova perspectiva deste fermoso traballo” e indicou que percibe cada vez máis “as súas potencialidades á hora de funcionar como un elemento de atractivo, que pon en valor a cultura da nosa terra, o saber facer das nosas xentes”.
Ao tempo, incidiu en que dende Turismo de Galicia traballan para internacionalizar e recoñecer esta actividade e integran a artesanía galega na oferta turística diferencial da nosa comunidade.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
