Burela, 12 de decembro de 2013. Técnicos de Augas de Galicia revisaron este xoves todo o sistema de colectores do porto. Deste xeito seguen os traballos previos á adopción dunha solución definitiva para o último treito do saneamento de Burela. O alcalde, José Mª González Barcia, anunciou que á volta do Nadal se colocarán uns caudalímetros para ter máis datos.
O rexedor explicou que “hoxe pola mañá dous técnicos de Augas de Galicia estiveron aquí, en Burela, para continuar cos traballos previos á adopción dunha solución sobre o último treito do saneamento do noso concello; en definitiva, para buscar unha solución á problemática que temos xa dende hai uns anos coa actual EDAR. Nese sentido os técnicos de Augas de Galicia estiveron revisando todo o sistema de colectores, que están situados na zona portuaria, practicamente desde a actual EDAR ata a Cruz Vermella chegando incluso cara ao propio espigón do porto. E previsiblemente á volta do Nadal vanse colocar caudalímetros para ter máis datos aínda de cara a adoptar esa decisión definitiva sobre o último tramo do saneamento do noso concello”.
González Barcia contou que “estivemos tamén vendo distintas posibilidades de ocupación de espazo dentro da propia zona portuaria, pero todo isto coas debidas cautelas, tendo en conta que a solución definitiva á situación que agora mesmo temos non se vai adoptar ata dentro duns meses, en tanto en canto non se elaboren por parte dos técnicos da Xunta de Galicia os informes preceptivos de cara a adoptar unha decisión. En todo caso de todos é sabido que Portos de Galicia está tamén agora mesmo elaborando un plan de usos e polo tanto haberá que sentarse con eles para ver as posibilidades que podemos ter tanto para ocupar máis espazo, onde está agora a EDAR, como no caso de calquera outra solución que implique algún tipo de asentamento no espazo portuario”.
O alcalde de Burela engadiu que “de tódolos xeitos os pasos vanse dando de forma rigorosa, sen présa pero sen pausa, e en todo caso os pasos que hai que dar desde unhas administracións serias e responsables para adoptar a mellor decisión que se poida dentro da actual situación que estamos a vivir. O que si é certo é que Augas de Galicia é plenamente consciente da situación que temos agora mesmo na actual EDAR e de aí derivan precisamente estes traballos previos á adopción dunha solución ao respecto”.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
