Burela, a 19 de decembro de 2013. O alcalde de Burela, o popular José María González Barcia, compareceu este xoves en rolda de prensa acompañado dos membros do equipo de goberno, para explicar as liñas básicas do presuposto municipal para 2014, que ascende a un total de 6.439.338 euros, o que supón un incremento do 3’2% con respecto a 2013. Barcia indicou que “o presuposto céntrase en tres premisas: unha, non gastar máis do que se ingresa e pagar o que se debe; dúas, manter os servizos sociais e educativos que estamos a manter; e, terceira, ir dando cumprimento ós nosos compromisos cos cidadáns”.
No que se refire á primeira das cuestións, o rexedor burelés apuntou algún datos: “oito de cada cen euros dos presupostos municipais van destinados a amortizar débeda financieira, pero resulta que deses oito euros, seis proveñen da débeda herdada do antigo Concello de Cervo, cando gobernaban os socialistas, e do crédito que houbo que pedir para pagar as facturas que deixou sen pagar o bipartito”.
Barcia indicou que o total destinado a amortizar débeda financieIra é de 524.607 euros, dos que 251.936 euros están destinados a amortizar a débeda herdada do antigo Concello de Cervo; e 134.208 euros destínanse a amortizar o crédito que houbo que pedir para pagar as facturas que o bipartito deixou sen pagar. “Pero ollo, porque en 2015 o pufo que nos deixou o bipartito suporá cáseque 69.000 euros máis, ou sexa, estamos a falar de 203.000 euros. Esta é a triste herdanza dos socialistas, que non nos deixará, por máis que lles pese, hasta dentro de oito anos”.
En canto ós servizos sociais e educativos, González Barcia sinalou que “tal e como avancei, estes presupostos blindan os servizos básicos, xa que non hai merma algunha en ningún deles, nin nos sociais nin nos educativos”.
González Barcia incidiu na terceira das cuestións: “nós anunciamos no seu día un compromiso cos colectivos e asociacións: en 2014 destinaremos dous de cada cen euros a subvencións a colectivos e asociacións. En concreto, vanse destinar un total de 123.000 euros, entre os que se inclúen a Fundación Expomar, o Burela Fútbol Sala, a Comisión de Festas e ACIA. Se excluíramos estas catro entidades, a contía total sería de 42.500 euros, en todo caso, practicamente o dobre da que se concedeu no presente exercicio de 2013. Creo sinceramente que esta é unha aposta decidida polo asociacionismo e ademais así contribuímos tamén a dinamizar a vida sociocultural do noso concello”.
No tocante ó capítulo de ingresos, o alcalde burelés manifestou que “están establecidos sobre os dereitos recoñecidos netos do presente ano 2013, e son absolutamente realistas”. E engadiu que “os impostos directos, indirectos, taxas, prezos públicos e outros suman un total de 4.011.448 euros, mentres que da Xunta e do Goberno do Estado recibiremos un total de 2.394.464 euros”.
O alcalde de Burela explicou tamén que “os soldos dos altos cargos seguirán conxelados un ano máis, e en tanto non se dispoña outra cousa por quen competa. En 2014, os soldos dos altos cargos suman un total de 86.199 euros para tres dedicacións exclusivas. En 2010, durante o bipartito, e para dúas dedicacións exclusivas e unha parcial, os soldos de altos cargos ascenderon a 98.940 euros. Cobraban 12.740 euros máis ca nós, como se ve, por traballar menos”.
Finalmente, José María González Barcia asegurou que “os presupostos de 2014 cumpren estritamente coa regra de gasto, e tamén cumpren estritamente co obxectivo de estabilidade orzamentaria. Os socialistas anunciaron a bombo e platillo que as previsións orzamentarias 2014/2016 aprobadas polo Concello hai uns meses eran unha utopía. Pois ben, agora, se tivesen vergoña, que non a teñen, recoñecerían publicamente que se pasaron de frenada cando dixeron o que dixeron”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
