Cervo, 23 de decembro de 2013- O Concello de Cervo entregou hoxe os cheques das axudas ao transporte escolar unha vez resolta a convocatoria da subvención para o curso 2012-2013. Despois de avaliar a documentación presentada, o departamento de Educación concedeu a subvención a 26 beneficiarios, é dicir, a todos os solicitantes que cumpriron os requisitos da convocatoria, aos que se fai un pagamento único de 200 euros a cada un cos que sufragar parte dos gastos de desprazamento dos estudantes.
Deste xeito, o Concello repartiu un total de 5.200 euros nas axudas ao transporte escolar, ás que poden optar dende hai anos aqueles alumnos que cursen os seus estudos fóra de Cervo sempre que as súas titulacións non se impartan en centros do municipio.
Nesta ocasión o departamento de Educación decidira incrementar a contía que podía recibir cada alumno, pasando dos 150 da convocatoria pasada aos 200 euros da actual. Por ese mesmo motivo, e visto o número de solicitudes, o Concello tamén optou por duplicar a partida destinada a estas axudas, chegando aos 6.000 euros fronte aos 3.000 previstos inicialmente, financiados con fondos propios do Concello.
Desta forma, aténdese a todas as demandas, outorgando a axuda ao conxunto total dos solicitantes que cumprían as esixencias da convocatoria. Porque este é precisamente o obxectivo do Concello, “que esta subvención chegue a todas as persoas que a precisen, xa que supón un apoio ás familias e á formación dos nosos mozos e mozas” explica a edil de Educación, Pilar Armada, que participou no acto de entrega xunto ao alcalde de Cervo, Alfonso Villares.
Este incremento, tanto da contía de cada beneficiario como da partida global responde a “un esforzo do Concello de Cervo por destinar os máximos recursos posibles a dar máis facilidades aos estudantes e ás súas familias”.
Tamén hai que destacar que este ano incrementouse o número de beneficiarios desta axuda, que na convocatoria anterior foi outorgada a 15 persoas, ascendendo ata os 26 deste ano.
A banda presentará o seu espectáculo nunha cita aberta ao público, que promete unha noite de rock e diversión para todos os asistentes.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
