Este domingo, 22 de decembro de 2013, a Asociación de Sendeirismo Terras de Lourenzá, percorreu a Serra de Meira, dende o Pedregal de Irimia ata o Alto da Carota, un tramo duns 14 quilómetros. Despois de pelexarse coa néboa no primeiro tramo da ruta, puideron disfrutar dos encantos destes paraxes coas súas espectaculares vistas e no medio dun ambiente outonal impresionante. Finalmente, chegaron ao mercado dominical de Meira e para repoñer forzas foron ao Restaurante o Muíño onde todos os participantes brindamos por este ano que xa rematou en canto a andainas se refire e polo novo que virá cheo de novas rutas e sorpresas. Recordan a todos os socios da Asociación de Senderismo Terras de Lourenzá, que a Asamblea Xeral celebrarase o vindeiro 3 de xaneiro, ás 21.00 horas, en primeira convocatoria e ás 21.30 horas en segunda, no Salón de Actos da Casa do Concello.
Terras de Lourenzá pola Serra de Meira
Terras de Lourenzá pola Serra de Meira
Relacionado
-
Acisa Ribadeo celebra o día da nai repartindo na rúa un centenar de caraveis entre as mamás que se atopou ao seu paso, a pesar da choiva
-
Suspendido polo mal tempo o III Mercado “Aos Pés de Cornería” en Vilaronte de que se ía celebrar este domingo, 5 de maio
-
Co gallo do Día de Europa, Estefanía Molina impartirá unha conferencia na UNED de Lugo