Os socialistas de Burela presentan as emendas aos Orzamentos do Concello para o 2014 que se debaterán no Pleno extraordinario que o Concello de Burela celebra o xoves 26 de decembro.
O Grupo Municipal Socialista entende que os presupostos “son moito máis que un estado de ingresos e gastos. Nos ornamentos condénsase e defínese a acción do goberno municipal”. Polo mesmo, queren presentar “un conxunto de emendas que corrixan os esforzos económicos que os veciños de Burela deben soportar polas malas decisións do Grupo Popular”.
“O aumento da taxa do lixo nun 34%, a suba do IPC en impostos, prezos públicos e taxas e o incremento do 10% do IBI deben ser razóns suficientes para buscar compensación sociais e económicas para o conxunto dos veciños”, consideran dende o PSdeG burelés.
Ademais, engaden que “a entrega, a discreción, de subvencións nominativas a entidades, colectivos e asociación, sen ter en conta unhas bases reguladoras que se deben aplicar segundo a lei correspondente e que garante obxectividade, igualdade de oportunidades e valoración de programas, cualificámolo de moi negativo o ser o alcalde quen impón as contías e as razóns para subvencionar”.
Polo tanto, propoñen as seguintes emendas:
Emenda nº1. – Aplicar bases específicas para a concesión de axudas de acordo coa Lei vixente.
Aplicar a Lei 27/2003 para a concesión de subvencións a entidades, asociacións e colectivos. Procurando adaptarse á realidade funcional e peticións formais da subvención para concretar a axuda. En caso de superávit con respecto á cantidade suposta, empregar a diferenza para apoiar un fondo de axuda a familias necesitadas.
Emenda nº2. – Dedicar o aumento de ingresos derivados do 10% de suba do IBI a un fondo destinado a un Plan Municipal de Emprego, con dotación inicial de 140.500 euros, onde no proceso de selección de aspirantes estarían presentes todas as forzas políticas con representación municipal, e no que terían preferencia de acceso integrantes de unidades familiares con todos os membros no paro.
Partidas recomendadas para a dotación económica do Plan de Emprego:
Atencións protocolarias: 8.000 euros
Publicidade e propaganda: 40.000 euros
Outros gastos diversos: 72.000 euros
Dietas: 6.800 euros
Gastos locomoción: 13.700 euros.
Emenda nº3. – O incremento de ingresos pola suba dos impostos, prezos públicos e taxas destinalos a un fondo de axudas, de 15.000 euros, para familias ou persoas que non dispoñan de medios para facer fronte os recibos da luz, lixo, auga, repagos en fármacos hospitalarios e urxencias en pago de vivendas ou alimentación.
Orixe para o fondo de 15.000 euros: recadacións por taxas (no orzamentos, soamente na taxa de recollida de lixo, hai un incremento de 100.600 euros).
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
