Cervo, 7 de xaneiro de 2014- O Concello de Cervo informa de que xa está aberto o prazo de inscrición nas actividades previstas para celebrar o Día do Xornalista. Trátase de dúas iniciativas diferentes, relacionadas coa prensa escrita e cos medios audiovisuais respectivamente, cos que a Concellería de Educación, que dirixe Pilar Armada, pretende “achegar aos nenos e nenas ao mundo da información e da comunicación como ferramentas do coñecemento”.
En concreto, a delegación ofrece o taller de radio “Cervo nas ondas”, dirixido a nenos e nenas de 4º, 5º e 6º curso de primaria e que se impartirá os venres 10, 17 e 24 de xaneiro, de 16:30 a 17:30 horas no Auditorio da Casa da Cultura. Nel, os participantes aprenderán pequenas nocións sobre linguaxe radiofónica e ensaiarán a locución de noticias, reportaxes e outros xéneros deste medio de comunicación. O obradoiro rematará o 24 de xaneiro ás 16:30 h, o Día do Xornalista, coa emisión dun programa en directo e aberto ao público.
A inscrición neste taller pódese realizar na Casa da Cultura e na Casa do Concello, entregando as fichas que se facilitarán nos centros educativos, tendo en conta que a primeira sesión será este próximo venres e que é recomendable que os participantes acudan os tres día fixados para rematar a actividade con éxito.
Outra das actividades previstas é o Concurso infantil de noticias, que se abrirá o día 9 de xaneiro, cando se fagan chegar as bases aos colexios do municipio. Nel, poden participar os nenos de segundo ciclo de infantil e de todos os cursos de primaria, aínda que se establecen dúas categorías por idades. Unha é a categoría A, na que se inclúen os nenos e nenas de infantil e de 1º e 2º de primaria, que terán que escoller unha noticia da prensa escrita, recortala, poñela nunha plantilla e debuxar a man unha posible fotografía para ilustrar dita información.
No caso dos nenos de 3º a 6º de primaria, os da categoría B, tamén terán que escoller, recortar e pegar nunha plantilla unha noticia, pero neste caso ademais de ilustrala, terán que redactar a información, elaborando unha noticia nova baseándose nos datos da orixinal pero sen copiala. Os traballos pódense levar ata o 17 de xaneiro á Casa da Cultura e á Casa do Concello. A entrega de premios será o mesmo día da emisión do programa de radio, o 24 de xaneiro ás 16:30 h. na Casa da Cultura.
Ocioteca
Do mesmo xeito, ábrese o prazo de inscrición para a Ocioteca, unha actividade de continuidade nos Pasatempos de Inverno e que se veu ofrecendo tamén nos de Nadal e nos de Outono, rexistrando moito éxito.
Este ano, a inscrición vaise facer de forma mensual, polo que na ficha os pais e nais poderán elixir que días queren que os seus fillos acudan. Así, esta semana entregaranse nos colexios do municipio as fichas de inscrición para os días 11, 18 e 25 de xaneiro. Lembrar que os horarios son de 11 a 12:30 h para segundo ciclo de infantil e de 12:30 a 14 h. para primaria, ambos na Casa do Mar.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Actuarán Carlos Ares, Celia Becks, Futuro Alcalde e Alcalá Norte, e o sábado será a quenda de La M.O.D.A., Ángel Stanich, Puño Dragón e Repion. López destacou o impacto económico do festival, cun retorno estimado dun millón de euros, mentres que Rouco subliñou a súa importancia turística e a achega municipal de 120.000 €.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
