Santiago, 25 de xaneiro de 2014.- O portavoz do Mar do Grupo Parlamentario Popular, Jose Manuel Balseiro, aplaudiu a decisión do Consello de Ministros de aprobar o novo Real Decreto polo que se regulan os títulos profesionais do sector pesqueiro e se establecen as condicións básicas para a súa obtención e as atribucións de cada unha das titulacións.
O parlamentario popular lembrou que o Goberno central cumpre así un dos compromisos máis demandados polos profesionais do mar que observaban como, ata o de agora, os seus títulos profesionais estaban regulados nunha lexislación moi dispersa e, incluso nalgúns aspectos, obsoleta.
CERTIFICADOS DE PROFESIONALIDADE
A espera da publicación definitiva do texto no Boletín Oficial do Estado (BOE) -que determinará a súa entrada en vigor- a nova normativa acomete, por primeira vez desde 1960, unha simplificación e unificación en materia de titulacións profesionais do sector pesqueiro, ao tempo que se establece a canle para a homologación dos certificados de profesionalidade.
Precisamente este foi un dos aspectos máis destacados polo portavoz popular do Mar, xa que logo, se establece o procedemento para que os profesionais do mar que veñen desempeñando unhas tarefas respecto das que non dispoñían de titulación regrada específica, poidan obter o correspondente título profesional previa valoración dos seus coñecementos e da súa experiencia.
A normativa introduce tamén a posibilidade transitoria de que aqueles profesionais que superaron os exames da antiga formación de adultos poidan presentar os correspondentes períodos de embarque e obter, así, o correspondente título profesional.
HOMOLOGACIÓN INTERNACIONAL
Finalmente Balseiro indicou que, segundo as informacións adiantadas polo Consello de Ministros, o novo Real Decreto cumpre outras das aspiracións máis recorrentes do sector pesqueiro como é a introdución na lexislación española das previsións dispostas no Convenio Internacional sobre normas de formación, titulación e garda para o persoal dos buques pesqueiros (STCWF-1995), ratificado por España en 2008.
O seu obxectivo é promover a seguridade da vida humana no mar e a protección do medio mariño. Para iso establece normas internacionais para que o persoal enrolado nos buques pesqueiros de navegación marítima teña a competencia e a aptitude debidas para desempeñar as súas funcións.
GALICIA LIDERA ÁS INICIATIVAS
Balseiro,nunha primeira valoración de urxencia á espera de coñecer o texto definitivamente aprobado, indicou que o Goberno do Central da un paso adiante, dentro do seu compromiso constante coa modernización de toda a normativa no ámbito profesional martímo-pesqueiro e, nesa liña, lembrou que foi o PP quen en Galicia, da man da Xunta e dos profesionais, liderou a petición, para que se acometan reformas e adaptacións á realidade presente das normativas sobre titulacións e tripulacións mínimas, ambas na axenda do Goberno.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
