Ribadeo, 10 de febreiro de 2014. O Concello acaba de recibir a autorización administrativa da Xunta que o faculta para licitar as obras de construción da residencia de maiores, segundo daba a coñecer este mediodía o alcalde, Fernando Suárez. O rexedor agarda que o goberno galego tamén asine o compromiso adquirido de aportar 500.000 euros para a esta infraestrutura, tal e como xa fixo no seu día a Deputación de Lugo que destina a esa instalación 1.828.000 euros.
Suárez Barcia recoñecía que “para que Ribadeo poida contar finalmente cunha residencia de maiores moitas veces se torna máis complexo que facer os 100 metros obstáculo nunhas olimpíadas e digo isto porque afortunadamente hoxe pola mañá nos acaba de chegar a autorización autonómica, desde o punto de vista administrativo, que nos faculta para que poidamos iniciar a licitación das obras de construción dunha residencia de 44 prazas máis dúas de enfermería no noso concello”.
O alcalde subliñou que “isto ven dado, e volvo poñelo enriba da mesa, pola unidade sen fisuras que desde a Corporación Municipal de Ribadeo e desde o movemento asociativo veciñal estivemos dando e foi un exemplo durante todo este tempo e seguirao a ser, non me cabe dúbida, no futuro. Toca agora con esta luz verde da Xunta, e seguramente haberá máis pedras no camiño, iniciar cos técnicos do Concello e cos corporativos os trámites, en poucos días, para levar a pleno a licitación desta obra que está cifrada en practicamente 2.500.000 euros”. Fernando Suárez lembrou que “a Deputación Provincial de Lugo nos deu 1.828.000 euros, dos que neste 2014 temos que ter executados e xustificados nada máis e nada menos que 1.028.000 euros. Agardo que a Xunta cumpra tamén coa súa palabra, aínda que se vaia demorando, de asinar os 500.000 euros comprometidos. É unha cantidade non demasiado importante, pero que achegándoa a esta cifra da Deputación farán posible a residencia de Ribadeo”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Este ano, como novidade, as crianzas participantes neste programa están a desfrutar de sesións de inglés dunha forma lúdica, dinámica e divertida, grazas á colaboración da English School de San Cibrao. A través de xogos, cancións, actividades participativas e moita creatividade, os nenos e nenas reforzan a aprendizaxe do inglés nun ambiente distendido, fomentando a comunicación, a curiosidade e a confianza para expresarse noutra lingua.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
