BURELA .- O alcalde do concello de Burela, Alfredo Llano, espera que Burela chegue este ano ós 10.000 habitantes pois según “o último censo de empadroamento estamos nos 9.500 e queda pouco para chegar á mítica cifra dos dez mil”, asegurou. Alfredo LLano pide “á xente de Burela que está fóra e que ten casa aquí a que se empadroe con nós e ós centos de cidadáns que levan moitos anos vivindo nesta vila tamén queremos convidalos a que se censen aquí”. O alcalde bureles recorda que o chegar os 10.000 habitantes “Burela poderá ser máis forte e máis influinte”.
Nota de Prensa
BURELA AGARDA CHEGAR ESTE ANO ÓS 10.000 HABITANTES.
Burela, 1 de setembro de 2008. O alcalde de Burela, Alfredo Llano agarda chegar este ano ós 10.000 habitantes, xa que <segundo o último censo de empadroamento estamos nos 9.500, queda pouco polo tanto para chegar á mítica cifra dos dez mil. Un dos nosos obxectivos é consolidar a poboación en Burela, xa que acadar esa cifra implica moitas ventaxas á hora por exemplo de acceder a determinado tipo de subvencións…>.
Llano confía en acadar a cifra dos dez mil habitantes <en pouco tempo, e imos facelo animando á xente de Burela que está fóra e que ten casa aquí a que se empadroe con nós e despois ós centos de cidadáns que levan moitos anos vivindo nesta vila tamén queremos convidalos a que se censen aquí. Hai moita xente de Valladolid e doutros puntos de Galicia e de España que levan entre nós moitos anos… e así deste xeito todos podemos colaborar en construir pobo. Burela poderá ser máis forte e máis influinte en todo o que sexa positivo para todos os habitantes que compartimos este municipio>.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
