O Pleno Provincial aprobou este martes, cos votos a favor de PSOE e BNG, e a abstención do PP, o Plan de Obras e Servizos para 2014, dotado de 2.767.107 euros, financiados nun 65% pola Deputación, con 1.754.412 euros; e nun 35% polos Concellos, con 1.012.694 euros. O Deputado de Xestión Territorial, Manuel Martínez, destacou que o organismo provincial mantén esta programación na provincia malia o financiamento cero do Goberno Central por terceiro ano consecutivo. Rajoy decidiu suprimir o financiamento estatal ó POS no 2011, sendo a primeira vez na historia da democracia que acontecía isto. Ata entón, o Plan estaba financiado nun 50% polo Executivo de España, nun 25% polas Deputacións e nun 25% polos Concellos.
O POS 2014 contempla 67 obras, cuxa execución contribuirá ó mantemento de 200 postos de traballo na provincia. 65 das mesmas son de caracter municipal, que se levarán a cabo en todos os Concellos lugueses, agás en Pantón, que por terceiro ano consecutivo renunciou a sumarse ó POS, e en Riotorto. Consistirán, principalmente, en melloras nos accesos a pequenos núcleos rurais, pavimentacións de rúas, abastecementos de auga ou subministros eléctricos. As 2 obras restantes son melloras en estradas provinciais. Concretamente, na vía “As Nogais-Torés-Armesto”, nos Concellos das Nogais e Becerreá, e da LU-P-4606 á LU-P-5401, en Ribeira do Piquín.
Os criterios aplicados para o reparto dos fondos entre os municipios son os mesmos que se veñen empregando dende 2008, de xeito que todos os Concellos reciben un mínimo de 10.000 euros. Para fixar esta cantidade, valórase nun 40% a poboación de cada municipio, nun 20% a súa superficie, nun 25% os núcleos de poboación e o 15% restante corresponde á carga fiscal.
Plan Complementario
A sesión de hoxe tamén acordou un Plan Complementario de Obras e Servizos, cun orzamento de 4.612.461 euros da Deputación, que permitirá financiar un total de 20 obras. 16 son de índole municipal e afectan ós seguintes Concellos: Baleira, Barreiros, Becerreá, Cervo, O Corgo, Cospeito, Chantada, Folgoso do Courel, Guntín, Láncara, Lugo, Quiroga, Sober, Vilalba, Xermade e Abadín. As 4 restantes son melloras nestas vías provinciais: “Moncelos-Carrizal”, na Pastoriza; “de Souto de Torres a Sobrado”, en Castroverde; “Doiras-Degrada”, en Cervantes; “San Cristobal-Adai-LU-106”, no Corgo; e da LU-232-Santa Eulalia de Bóveda-Camiño do Burgo, en Lugo.
En defensa dos traballadores
O Presidente deu conta á Corporación Provincial da resolución do contrato á empresa que presta servizo de seguridade e vixilancia no Pazo dos Deportes e no Museo Provincial debido ó incumprimento das condicións laborais e en defensa dos traballadores. Gómez Besteiro explicou que a entidade aproveitou a Reforma Laboral do Goberno Central para rebaixar os salarios ós traballadores. Infrinxiu, deste xeito, o prego de condicións do contrato coa Deputación, que se basea no convenio estatal do sector, que recolle as cláusulas sociais da contratación pública, procedentes das directrices da Unión Europea e avaladas pola Organización Internacional do Traballo, que establecen as retribucións. Ante esta situación, e axustándose rigorosamente á legalidade, a Deputación abriu un expediente á empresa e notificoullo á mesma. Seguidamente, publicouno no Boletín Oficial da Provincia e no taboleiro de edictos do Concello de Monforte, que é onde figura o domicilio fiscal da entidade. Este mesmo mes, o organismo provincial remitiu o expediente ó Consello Consultivo de Galicia para que emita o seu dictame e poder, finalmente, resolver o contrato.
Sogama
Malia a negativa de todos os Deputados do PP, o Pleno aprobou a moción do grupo socialista para: “esixir ó Presidente da Xunta que inicie un diálogo cos representantes dos Concellos galegos, que permita obter unha solución consensuada sobre o prezo do tratamento dos residuos; a inmediata retirada da suba do canon de Sogama e explorar outras vías propostas no Plan Económico-Financiero, que abaraten a xestión e tratamento dos residuos”.
Plan Integral
Por unanimidade, a sesión aprobou a moción presentada polo equipo de Goberno para “demandar ós Executivos autonómico e central o cumprimento da lei de patrimonio, garantindo a conservación dos bens das administracións públicas; e a elaboración dun Plan Integral de desenvolvemento dos bens patrimoniais co que poñer en valor o tecido cultural e económico dos territorios onde se encontran”. Segundo datos oficiais, Galicia conta con 1.000 edificacións públicas abandonadas e infrautilizadas. Por exemplo, o Cuartel de San Fernando, a casa sindical de Portomarín, a Casa da Irmandade de Antas de Ulla, as casas do Mar de Ribadeo e Cervo ou o Antigo Centro Comarcal en Viveiro ou Mondoñedo.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
