Lugo, 12 de marzo de 2014.- A delegada territorial, Raquel Arias, subliñou en Cervo o esforzo que realiza a Xunta de Galicia, a través da Secretaría Xeral de Igualdade, por dinamizar o movemento asociativo feminino e incrementar a participación das mulleres en todos os eidos da vida pública, social e cultural.
No caso deste municipio, a Xunta de Galicia colaborou coas asociacións Espalladoras e Mulleres de San Ciprián para a posta en marcha e desenvolvemento de distintas actividades. En concreto, ao longo dos últimos meses véñense impartindo ximnasia de mantemento, talleres de manualidades, obras de teatro e distintas actividades deportivas. Así mesmo, desenvolveron un curso de cociña saudable.
A delegada territorial da Xunta, que mantivo unha reunión con representantes destas asociacións cervenses, indicou que este impulso “reflicte a aposta do Executivo galego por fortalecer e consolidar o movemento asociativo de mulleres e por impulsar medidas que permitan conciliar a vida familiar e a laboral ás mulleres dentro da nosa comunidade”.
A delegada falou coas asociacións do importante papel que estas deben xogar para incidir “nunha maior igualdade, en máis oportunidades laborais para as mulleres e, en definitiva, en beneficios para toda a cidadanía, fomentando unha sociedade igualitaria”.
No conxunto da provincia, son un total de 20 as asociacións de mulleres e entes de Lugo cos que colabora a Xunta para a realización deste tipo de actividades. As axudas distribuídas céntranse en catro liñas de actuación: Consolidación do movemento asociativo, investigación e recuperación da historia das mulleres, promoción de hábitos de vida saudable e promoción de accións de prevención da violencia de xénero e atención as vítimas.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
