Mondoñedo, 21 de marzo de 2014.- O Partido Popular agradece o novo compromiso da Xunta de Galicia coa localidade de Mondoñedo a través da concesión de axudas para a difusión das feiras das San Lucas e a promoción de actividades de servizos sociais organizadas por entidades vinculadas co municipio.
Os populares explican que esta semana o Diario Oficial de Galicia (DOG) publicou a aprobación de subvencións, que suman en conxunto máis de 52.800 euros e, que segundo os populares, reinciden en dúas áreas de vital importancia para o municipio como son a turística e a social.
Axuda As San Lucas
En concreto dentro da liña de axudas concedidas a Concellos para o apoio, promoción e difusión das festas declaradas de interese turístico de Galicia; a Axencia de Turismo de Galicia apróballe á administración local de Mondoñedo unha subvención de 3.496,90 euros para a Feira das San Lucas.
Os populares reiteran, nesto senso, a importancia deste encontro festivo para a localidade, que permite a dinamización do municipio e a súa difusión a nivel turístico especialmente pola historia da súa feira cabalar.
Colaboración entidade social
A maiores, os populares tamén explican que o Diario Oficial de Galicia de hoxe recolle a concesión de subvencións a entidades de iniciativa social para a promoción de diferentes actividades de servizos sociais comunitarios e de inclusión social.
Neste senso, os populares agradecen a implicación do goberno galego cun ente vinculado coa localidade, Cáritas Diocesana Mondoñedo-Ferrol, que percibe da administración que dirixe Alberto Núñez Feijóo máis de 49.350 euros.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
